సకల చరాచర సృష్టిలో పునరుత్పత్తి చేసే అదృష్టం కలిగింది ఒకటి దైవం అయితే మరోకటి అమ్మ. అందుకనే అమ్మను ప్రకృతితో పోల్చుతారు. అమ్మ అనే రెండు అక్షరాల పదమే.. బిడ్డకు పెద్ద అండ.. వక్రమార్గంలోకి వెళ్తున్న బిడ్డను కోపంతో దండించినా.. అది అమ్మ తన బిడ్డను సన్మార్గంలోకి నడిపించేందుకు కఠినంగా చేసే ప్రయత్నమే. పశ్చిమ బెంగాల్ లో ఓ అమ్మ తన బిడ్డను కాపాడుకునేందుకు ఏకంగా పెద్దపుతిలోనే తలపడిందంటే అమ్మలోని సముద్రమంత లోతైన ప్రేమకు ఇదే నిదర్శనం. కేవలం మనుషులలో మాత్రమే కాదు.. పశుపక్షాదులలోనూ అమ్మకున్న ప్రేమ అదే. తమ బిడ్డలకు కష్టం రానీయకుండా ప్రతీ అడుగునూ ఆచితూచి వేయాలని నేర్పిస్తుంటాయి.
తాజాగా అమ్మ ప్రేమను, త్యాగనిరతిని, ప్రాణత్యాగాన్ని చాటే ఓ వీడియో నెట్టింట్లో వైరల్ గా మారింది. బిడ్డను కాపాడుకునేందుకు తల్లి.. ఎంత దూరమైనా వెళ్తుందని చాటిచెప్పే ఈ వీడియో మనస్సున్న ప్రతీ ఒక్కరి చేత కన్నీళ్లు పెట్టిస్తోంది. రాయిలాంటి గుండె ఉన్నవారిని కూడా కదిలిస్తోంది. సొంత ప్రయోజనాలను సైతం పక్కనపెట్టి బిడ్డ కోసం కృషి చేస్తుంది. ఓతల్లి జింక.. తన బిడ్డను రక్షించుకునేందుకు ప్రాణత్యాగం చేసింది. మనిషైనా.. జంతువైనా.. తల్లి ప్రేమ ఒకటే అని నిరూపించింది! ఐఏఎస్ ఆఫీసర్ సోనాల్ గోయల్.. మాతృమూర్తి వీడియోను ట్విట్టర్లో షేర్ చేశారు.
వీడియోలో.. ఓ జింక పిల్ల.. ఓ నదిలో ఈత కొడుతూ ఉంది. నదిలోకి దిగిన ఆనందంలో ఉత్సాహంగా ఉరకలు వేస్తోంది. అయితే నదిలో ఉన్న ఓ మొసలి.. జింక పిల్లను చూసింది. ఆహారం కోసం ఆ జింక పిల్లపై దాడి చేసేందుకు అటువైపు వేగంగా కదిలింది. ఈ దృశ్యాలను దూరం నుంచి చూసిన ఆ తల్లి జింక.. నదిలోకి దూకి.. వేగంగా బిడ్డవైపు కదిలింది. బిడ్డకు, మొసలికి మధ్య తన శరీరాన్ని అడ్డుపెట్టింది. అలా.. మొసలికి ఆహారంగా మారిపోయింది. ప్రాణ త్యాగంతో తన బిడ్డను రక్షించుకుంది. తల్లి జింకను నోట కరుచుకుని.. మొసలి అక్కడి నుంచి వెళ్లిపోయింది. పిల్ల జింక ఒంటరిగా మిగిలిపోయింది!
"తల్లి ప్రేమను వర్ణించేందుకు మాటలు సరిపోవు. బిడ్డను రక్షించుకునేందుకు తల్లి జింక చేసిన ప్రాణత్యాగం హృదయాన్ని కదిలిస్తోంది. తల్లిదండ్రులు, కుటుంబసభ్యులను ఎప్పటికి విడిచిపెట్టకూడదని ఈ వీడియో మనకు గుర్తుచేస్తోంది. వాళ్లని గౌరవించాలి, వారికి సేవ చేయాలి," అని ట్వీట్లో రాసుకొచ్చారు ఐఏఎస్ ఆఫీసర్ సొనాల్ గోయల్. ఈ వీడియో సామాజిక మాధ్యమాల్లో వైరల్గా మారింది. తల్లి జింక ప్రాణత్యాగం అందరిని కదిలిస్తోంది. తల్లిప్రేమను గుర్తుకుచేసే విధంగా.. నెటిజన్లు కామెంట్లు పెడుతున్నారు.
No words can describe the power, beauty and heroism of mother's love
— Sonal Goel IAS (@sonalgoelias) April 6, 2022
Heartbreaking video of a mother deer sacrificing herself for saving her baby
It reminds us to Never ignore your parents and family.
Respect them and take care of them when it's your turn
(VC : SM ) pic.twitter.com/e8K9WQiqIc
(And get your daily news straight to your inbox)
Jun 25 | ‘పుష్ప’ సినిమాతో పాటు ఇప్పటికే పలు సినిమాల్లోనూ పోలీసుల కళ్లు గప్పి అక్రమార్గాలల్లో ఎలా సరుకు రవాణా చేయాలో అన్నది ఒక్కో దర్శకుడు ఒక్కో వినూత్న మార్గాన్ని చూపించారు. అయితే ఆ మార్గాలను అన్వయించుకుని,... Read more
Jun 25 | పామును తేలిగ్గా పట్టుకోవచ్చునని అనుకుంటారు కొందరు. స్నేక్ ఫ్ఱెండ్స్ లేదా స్నేక్ క్యాచర్స్ పాములను పట్టుకోవడం చూసి ఓస్ ఇంతేనా.. అని అనుకునేవారు.. తామేం తక్కువ అని ప్రయత్నాలు చేస్తుంటారు. కానీ వాటిని పట్టుకోవడం... Read more
Jun 25 | తెలంగాణలోని ప్రభుత్వ ఉపాధ్యాయుల ఆస్తులపై రాష్ట్ర పాఠశాల విద్యాశాఖ కీలక ఉత్తర్వులు జారీ చేసింది. రాష్ట్రంలోని కొందరు ఉద్యోగులు తమ విధులకుహాజరుకాకుండా.. ఆయా స్థానాల్లో ఎవరో ఒకర్ని తమలా నటింపజేస్తూ.. వారు మాత్రం తమ... Read more
Jun 25 | విధి అడే వింత నాటకంలో అందరం పావులమే. అయితే.. ఎవరి ఆట ఎప్పుడు ఆరంభమవుతుందో ఎప్పుడు ముగుస్తుందో తెలియదు. కానీ ఇది ముమ్మాటికీ నిజమని ఎవరైనా చెబితే ‘వేదాంతం’ మాట్లాడుతున్నారని కొట్టిపారేస్తాం. అయితే నిజమని... Read more
Jun 25 | మహారాష్ట్రలో రాజకీయ సంక్షోభం కొనసాగుతున్న వేళ అటు శివసేన పార్టీ అనుకూల, ప్రతికూల వర్గాలతో పార్టీ నిట్టనీలువునా రెండుగా చీలిపోతోంది. ఇంతకాలం శివసేన చీఫ్ ఉద్ధవ్ థాక్రే అంటే మహారాష్ట్రవాసుల్లో ఉన్న భక్తి, అయన... Read more