ITEMVIDEOS: కళ్లముందు ఆహారం.. కానీ చిరుత ఆకలి తీరలేదు.? ఎందుకలా.?

Posted: 03/21/2022 01:36 PM IST

Watch deer busy grazing while cheetah tries to attack it here s what happened next

మంచి ఆకలి మీదున్న వ్యక్తికి కంచంలో పంచభక్ష పరమాన్నాలు కనిపిస్త్తుండగా.. కళ్తు మూసుకుని భక్తిగా ప్రార్థన చేయాలంటే చేస్తారా.? ససేమిరా అంటాడు. అదే పరిస్థితి ఈ చిరుతకు వచ్చింది. వేటాడాల్సిన అవసరం లేకుండా వెతకబోయిన తీగ మోకాలోడ్డినట్టు తన కళ్ల ముందు ఓ జింక పిల్ల హాయిగా గడ్డి మేస్తోంది. ఇది చూసిన చిరుత దానిని వేటాడి తినాలని భావించింది. కానీ.. తనకు ఆహారం లభించలేదు. ప్ర‌పంచంలోనే అత్యంత వేగంగా ప‌రుగెత్తే చిరుత‌.. స్పోర్ట్స్ కారంత స్పీడ్‌గా ప‌రుగెడుతుంది. కానీ, క‌ళ్ల‌ముందు ఓ జింక ఉన్నా వేటాడ‌లేక‌పోయింది.

జింకను చూస్తూ ఉండిపోయింది. మ‌రి దానికి ఒంట్లో బాగాలేదా అంటే అదీ కాదు.. చాలా యాక్టివ్‌గానే ఉంది. కార‌ణం ఏమై ఉంటుంద‌ని ఆలోచిస్తున్నారా? ఏమీ లేదండి ఆ రెండింటికీ మ‌ధ్య పెద్ద కంచె ఉంది. ఈ వీడియో నెట్టింట వైర‌ల్ అవుతోంది. ఈ వీడియోను ఐఎఫ్ఎస్ అధికారి సుశాంత నందా ట్విట‌ర్‌లో పెట్టాడు. ఈ వీడియోలో జింక గ‌డ్డిమేస్తూ ఉంటుంది. అవ‌త‌లివైపు ఆక‌లితో ఉన్న చిరుత.. జింక‌ను చూస్తూ ఉంటుంది. జింకను అందుకోవాలని చిరుత ప్రయత్నాలు చేస్తోంది. కానీ అన్ని విఫలమయ్యాయి.

కళ్లముందు ఆహారం కనిపించినా.. కడుపు నింపుకోలేని దుస్థితి, దురావస్థకు చేరుకున్న చిరుతను చూసిన నెట్ జనులు మిశ్రమంగా స్పందిస్తున్నారు. అయితే అమాయకంగా వుండాల్సిన జింక పిల్ల.. చిరుతను చూసిన తరువాత కూడా ఏ మాత్రం భయపడకుండా.. అక్కడే నిల్చుని హాయిగా గడ్డిమేస్తోంది. దీంతో జింక పిల్ల ధైర్యాన్ని కూడా నెటిజనులు ప్రశంసిస్తున్నారు. ఇది కదరా విచిత్రం అంటూ కామెంట్లు పెడుతున్నారు. ఈ వీడియోకు విండో షాపింగ్ అని సుశాంత నందా క్యాప్ష‌న్ ఇచ్చారు. 75వేల మంది వీడియోను వీక్షించ‌గా, 5.2వేల మంది లైక్ చేశారు. ప‌లువురు ఫ‌న్నీ కామెంట్ల‌తో హోరెత్తించారు.