ITEMVIDEOS: భారీ ఏనుగు.. చిన్నారి ప్రేమబంధానికి చిక్కుకుపోయింది..

Posted: 01/31/2022 01:26 PM IST

అడవిలో పెద్దదైన వన్యమృగం ఏదీ అంటే వెంటనే వచ్చే సమాధానం ఏనుగు. ఔనండీ ఎంత పెద్దదైనా ఈ ఏనుగు మాత్రం శాఖాహారే. అడవిలో అకులు అలుములు తినే ఈ ఏనుగు మాంసాహారం ముట్టుకోదు. అయితే మనుషులతో మాత్రం ప్రేమబంధాన్ని ముడివేసుకునే గజరాజులు మనుషుల కోసం టన్నుల కోద్దీ బరువులను మోసిన ఘటనలు అనేకం. మనుషులు కూడా గజరాజులను వినాయకుడిగానే భావించి ప్రేమపూర్వకంగా వ్యవహరిస్తూ పూజలు చేస్తారు. ఇక హిందూ దేవాలయాల్లో ఏదేని ఉత్సవాలు జరిగిన క్రమంలో గజరాజులపై దేవుడి ఉత్సవమూర్తులను పెట్టి ఊరేగిస్తూంటడం అనవాయితీ.

అయితే చిన్నారి ఏనుగుపిల్లలను మనుషులు ఎంత అల్లారి ముద్దుగా చూస్తారో అలానే గజరాజులు కూడా చిన్నారి పిలల్లను ముద్దు చేస్తాయి. వారి ప్రేమబంధానికి లోంగిపోతాయి. వారు ఏం చేసినా చిన్నారి అల్లరిగా స్వీకరిస్తాయి. అలాంటిదే ఈ వీడియో.. అయితే ఇక్కడ తమ ఇంట్లో పెరుగుతున్న ఏనుగుతో మూడేళ్ల చిన్నారి ఏమాత్రం భయం లేకుండా ఎంతో చనువుగా.. కలివిడిగా ఉండటం చూసేవారిని ఆశ్చర్యానికి గురిచేస్తోంది. అసోంలోని గోలాఘాట్ జిల్లాకు చెందిన మూడేళ్ల బోర అనే బాలిక కుటుంబం ఏనుగు సంరక్షణ బాధ్యతల్లో ఉంది. దీంతో ఏనుగుతో అప్పుడప్పుడు ఫుట్ బాల్ ఆడుకోవడం ఈ చిన్నారికి సాధారణంగా మారిపోయింది.

ఫుట్ బాల్ ఆడుతున్న సమయంలో చిన్నారి కోపంతో ఏనుగు తొండాన్ని కాలుతో తన్నినా, ఆ ఏనుగుకు కోపం రాకపోగా.. బాల్ విసరగానే దానిని పట్టుకుని చిన్నారికి అందించింది. ఏనుగు అంటే అసలే మాత్రం భయం లేకుండా ఆ చిన్నారి మసలుకోవడం ఆశ్చర్యానికి గురి చేస్తోంది. అంతేకాదు, ఆ చిన్నారి ఏనుగు నుంచి పాలు తాగే ప్రయత్నం కూడా చేసింది. తమ పెద్ద వారి సూచన మేరకు చిన్నారి ఏనుగు పాలు తాగాలనుకోగా, ఎత్తు చాలక ఇబ్బంది పడడాన్ని ఇక్కడి వీడియోలో చూడొచ్చు. ఇందుకు సంబంధించిన వీడియో అందరి దృష్టిని ఆకర్షిస్తోంది. సరిగ్గా అస్సోంలో మనుషులకు-ఏనుగులకు మధ్య ఘర్షన జరుగుతున్న క్రమంలో ఈ వీడియోలు బయటకు రావడం చర్చనీయాంశంగా మారుతోంది.