ITEMVIDEOS: వైరల్ వీడియో: పులిని ఆటపట్టించి.. తాను తప్పించుకున్న బాతు.!

Posted: 12/27/2021 08:19 PM IST

Duck plays hide and seek with tiger in viral video internet reacts

అడవికి రాజు సింహమే అయినా.. పులి, చిరుతలను చూసినా అడవిలోని జంతువులు భయాందోళన చెందుతుంటాయి. ఎందుకంటే అవి క్రూరమృగాలు. అయితే సింహం ఎలుక కథ మనకు తెలుసు. కానీ తాజాగా మీకు బాతు చేతిలో ఓడిన పులి కథను విన్నారా.? ఇంటర్నెట్ యుగంలో తాజాగా జంతువుల మధ్య ఆధిపత్యం, అందుకు కేంద్రబిందువుగా మారిన స్థానబలంపై మీకు ఓ పాఠం చెబుతోంది. బాతు, పులి కథ.. వీటి రెండింటి మధ్య కథేంటి అంటారా.? కథ కాదు పోరాటం. అయితే దాక్కో దాక్కో బాతు.. పులోచ్చి కోరుకుద్ది పీక అన్న పాటకు తగ్గట్టుగా ఉంటుందీ పోరాటం.

వేటాడేది ఒకటి.. పరుగెత్తేది ఇంకోకటి.. దోరికిందా.. ఇది చస్తాది.. దొరక్కపోతే అది చస్తాది.. ఒక జీవికి అకలి వేసిందా... ఉంకో జీవికి అయువు మూడిందే.. అన్నట్లుగానే బాతు పులి మ‌ధ్య పోరాటం సాగింది. ఈ రెండింటి మధ్య పోరాటం అంటే ఎలా ఉంటుంది చెప్పండి. అనేగా మీ సందేహం. అందుకనే ఇక్కడ స్థానబలం అన్న విషయాన్ని కూడా నొక్కి మరీ చెప్పాం. సాధారణంగా నేలమీద అయితే పులి కొంత ప్రయాసపడైనా బాతుకు వేటాడుతోంది. కానీ నీళ్లలో అయితే అక్కడ బాతే రాజు. అందుకే స్థానబలం అన్న విషయాన్ని ప్రస్తావించాం. ఇక ఇక్కడ ఈ రెండింటి మధ్య పోరాటం ఎలా వుంటుందో తెలుసా..?

అవును.. ఓ కొల‌నులో బాతు, పులి రెండింటి మ‌ధ్య జ‌రిగిన హైడ్ అండ్ సీక్ గేమ్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. పులి త‌న ద‌గ్గ‌రికి రాగానే బాతు నీళ్ల‌లో మున‌గ‌డం.. బాతు నీళ్ల‌లో మున‌గ‌డం చూసి పులి షాక్ అవ‌డం.. మ‌ళ్లీ బాతు నీళ్ల‌లో నుంచి పైకి రావ‌డం.. దాన్ని చూసి పులి ద‌గ్గ‌రికి రాబోయేస‌రికి మ‌ళ్లీ నీళ్ల‌లో మున‌గ‌డం.. ఇదంతా ఒక ఆట‌లా అనిపిస్తుంది. చివ‌ర‌కు పులి ఏం చేయ‌లేక నిస్సాయ‌క స్థితిలో ఉండిపోతుంది. ఈ వీడియో చాలా ఫ‌న్నీగా ఉండ‌టంతో నెటిజ‌న్లు ఆ వీడియోను చూసి తెగ ఎంజాయ్ చేస్తున్నారు. హైండ్ అండ్ సీక్ ఆట బాగుంద‌ని కామెంట్లు చేస్తున్నారు.