ఎంత సంపాదించినా.. జానెడు పొట్ట కోసమే. అందుకనే కాబోలు కోటి విద్యలు కూటి కోరకే అన్నారు పెద్దలు. కానీ ఫలానా చేయాలన్నా.. గిరిగీసుకుని దాంట్లోనే ఉండేవారు ఎందరో. జిహ్వాను కట్టడి చేసుకునేవారెందరో. అయితే పూర్తిగా శాఖాహారులైన వారు మాంసాహారాన్ని చూస్తేనే వెగటుగా అనిపిస్తోంది. కానీ కొందరు మాత్రం సమాజంలో శాఖాహారులగా పోజులు కొట్టినా.. తెరచాటుగా తమ మాంసాహారపు అలవాట్లను కొనసాగిస్తుంటారు. ఇందులో మహిళలకన్నా పురుషులే అధికం. బయటకు వెళ్లిన పురుషులు ఎక్కడ ఏం చే్తున్నారన్న విషయం తెలియని భార్యలు అనేకం.
అయితే ఇక్కడ మాత్రం అందుకు పూర్తి భిన్నమైన ఘటన చోటుచేసుకుంది. భర్తకు తెలియకుండా భార్య మాంసాహారాన్ని లాగించేస్తోంది. ఇదే వారి సంసారంలో చిచ్చుపెట్టింది. ఈ వ్యవహారంలోకి వెళితే.... శాకాహారి అయిన వ్యక్తి తన భార్య కూడా అలాగే ఉండాలని కోరుకున్నాడు. మాంసాహారం ముట్టని కులం నుంచి ఓ అమ్మాయిని పెళ్లాడాడు. కానీ పెళ్లయిన తర్వాత ఆమె తన నిజస్వరూపం ప్రదర్శించింది. ఇష్టంవచ్చినట్టు మాంసాహారం లాగిస్తూ భర్తను దిగ్భ్రాంతికి గురిచేసింది. దాంతో ఆ సాధుజీవి హతాశుడయ్యాడు. తన బాధను ఓ కాలమిస్టుతో వెళ్లబోసుకున్నాడు.
ఆ భర్త సదరు వ్యాసకర్తకు రాసిన లేఖ నెట్టింట సందడి చేస్తోంది. ఇంతకీ ఆ లేఖలో ఏముందంటే... "నేను స్వచ్ఛమైన శాకాహారిని. కులం రీత్యా పూర్తి శాకాహారి అని భావించి ఓ అమ్మాయిని పెళ్లి చేసుకోవాలని అనుకున్నాను. కానీ ఆమె తనకు మటన్ తినే అలవాటు ఉందని చెప్పింది. ఆమె అందంగా ఉండడంతో వదులుకోలేక పెళ్లి చేసుకున్నాను. పెళ్లయిన తర్వాత మాంసాహారం జోలికి వెళ్లనని ఆమెతో మాట తీసుకున్నాను. కానీ పెళ్లయిన తర్వాత ఆమె యథాప్రకారం మటన్ తింటోంది.
నా కంటపడకుండా రహస్యంగా బయటికి వెళ్లి మాంసాహారం తీసుకుంటోంది. అదేమని నిలదీస్తే... నేను మటన్ తినకుండా ఉండలేనని తెగేసి చెబుతోంది. దాంతో... నేను కావాలో మటన్ కావాలో తేల్చుకోమని ఆమెకు స్పష్టం చేశాను. కానీ ఇప్పుడు నన్నో భయం పట్టిపీడిస్తోంది. ఒకవేళ ఆమె నిజంగానే మటన్ ను ఎంచుకుంటే నా పరిస్థితి ఏంటన్నది ప్రశ్నార్థకంగా మారింది. ఆమె ఏం ఎంచుకుంటుందని మీరు భావిస్తున్నారు?" అంటూ ఆ భర్త సదరు కాలమిస్టును ప్రశ్నించాడు.
అందుకు ఆ వ్యాసకర్త కూడా అదే రీతిలో నాటకీయంగా బదులిచ్చాడు. "నాకు తెలిసి ఓ భార్య, ఓ భర్త, మటన్ మధ్య ఇదే తొలి ట్రయాంగిల్ లవ్ స్టోరీ అనుకుంటా. నేను ఏమనుకుంటున్నానంటే... ఎవరైనా ప్రేమ లేకుండా ఉండగలరేమో కానీ తిండి లేకుండా ఉండలేరు కదా! దీన్ని బట్టి మీరే అర్థం చేసుకోండి... మీ భార్య ఎవరిని ఎంచుకుంటుందో!" అంటూ తెలివిగా తప్పించుకున్నాడు. ఇక ఈ అంశం సోషల్ మీడియాలో వైరల్ అవుతోంది. నెటిజన్లు తమకు తోచిన సలహాలు ఇస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more