ITEMVIDEOS: సఫారీ కారును అపేందుకు సింహం ఏం చేసిందో తెలుసా.?

Posted: 12/01/2021 06:55 PM IST

సింహం సింహ‌మే. అడవిలో మృగరాజైనా.. అడవికి రారాజైనా అది సింహం మాత్రమే. అయితే అడవిలో తమకు ఆకలి వేసినప్పుడు ఈ క్రూర మృగాలు అవలంభించే విధానాలు మనుషలు విస్తుపోయేలా చేస్తుంటాయి. ఆ మధ్యకాలంలో ఒ చిరుత లేడిని వేటాడానికి వచ్చిన సందర్భంలో పోలంలో గడ్డిని మేస్తున్న జింకకు ఏ మాత్రం అనుమానం రాకుండా నక్కుతూ వచ్చి.. ఓ చెట్టును ఆసరా చేసుకుని దాక్కుని.. అక్కడ తన కాళ్లను విధుల్చుకుని జింకపై పంజా విసిరిన వీడియో మనం చూశాం. అయితే ఈ వీడియోలోని మృగరాజుకు కూడా ఆకలేసిందో.. లేక సరదాగా ఆటాడుకుందో కానీ ఓ జీపులో వచ్చిన పర్యాటకులకు మాత్రం వెన్నులో చలిపుట్టేలా చేసింది. అదెలా అంటారా..

తాజాగా అది టూరిస్టులు ఉన్న ఓ స‌ఫారీ జీపుపై అటాక్ చేయ‌బోయిన ఓ సింహం ఏం చేసిందో చూస్తే ఆశ్చ‌ర్య‌పోతారు. సౌతాఫ్రికాలో జ‌రిగిన ఈ ఘ‌ట‌నకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. టూరిస్టుల‌తో ఉన్న స‌ఫారీ జీపు వెళ్తుండ‌గా.. సింహం చూసింది. అయితే.. అప్ప‌టికే ఆ జీపు ఇసుక‌లో చిక్కుకుపోగా.. టూర్ గైడ్.. ఒక తాడు వేసి దాన్ని రోడ్డు మీదికి లాగేందుకు ప్ర‌య‌త్నాలు చేశాడు. ఇంత‌లో సింహం వ‌చ్చింది. దీంతో అంద‌రూ వాహ‌నం ఎక్కారు. ఆ సింహం.. స‌ఫారీ జీపుపై అటాక్ చేయ‌బోయి.. అక్క‌డ క‌నిపించిన తాడును ప‌ట్టుకొని లాగింది.

ఇంత‌లోనే వాహ‌నం స్టార్ట్ అయి ముందుకు క‌ద‌ల‌డంతో ఆ తాడుతో పాటు సింహం కూడా కొద్ది దూరం ముందుకు వెళ్లింది. అయినా కూడా ఆ సింహం ఆ తాడును వ‌ద‌ల్లేదు. ట‌గ్ ఆఫ్ వార్ ఆడింది స‌ఫారీతో. ఈ ఘ‌ట‌న‌ను స‌ఫారీలో ఉన్న టూరిస్టులు వీడియో తీసి సోష‌ల్ మీడియాలో పోస్ట్ చేయ‌డంతో ఆ వీడియో నెటిజ‌న్ల‌కు తెగ న‌చ్చేసింది. నెటిజ‌న్లు ఆ వీడియోను చూసి ఫ‌న్నీగా కామెంట్లు చేస్తున్నారు. క్యాట్ విల్ బి క్యాట్ అంటూ కామెంట్లు చేసి వీడియోను వైర‌ల్ చేస్తున్నారు.