కేర‌ళ‌లో భారీ వ‌ర్షాలు.. శ‌బ‌రిమ‌ల‌లో ద‌ర్శ‌నాలు నిలిపివేత‌

Posted: 11/20/2021 03:33 PM IST

బంగాళాఖాతంలో వరుస వాయుగుండాలతో ఇప్పటికే తమిళనాడు, ఆంధ్రప్రదేశ్ రాష్ట్రాల్లో వరుణుడు బీభత్సం సృష్టిస్తున్నాడు. వరుణ జలప్రళయానికి సాక్షాత్తు కలియుగ వైకుంఠమైన తీరుమల క్షేత్రానికి భక్తులు వెళ్లే మార్గాలన్నింటికీ అంతరాయం ఏర్పడింది. కొండచరియలు విరిగిపటడంతో శ్రీవారి మెట్టుమార్గాన్ని ఆలయఅధికారులు మూపివేయగా, ఇక రోడ్డు మార్గాంలోనూ కొండచరియలు అడ్డుగా పడటంతో వాహనాల రాకపోకలకు తీవ్ర అంతరాయం ఏర్పడింది. దీంతో శ్రీవేంకటవేశ్వరుడిని దర్శనం కోసం ఇప్పటికే కొండపైకి వెళ్తున్న భక్తులు అటుఇటు కాకుండా మధ్యలో చిక్కుకుపోయారు.

ఇక ఇదే సమయంలో అటు కర్ణాటకలోనూ ఇటు కేర‌ళ‌లో కుండ‌పోత వ‌ర్షాలు కురుస్తున్నాయి. భారీ వ‌ర్షాల‌కు కేర‌ళ‌లోని అన్ని జ‌లాశ‌యాలు నిండిపోయాయి. పంబ న‌దిలో వ‌ర‌ద ఉధృతంగా ప్ర‌వ‌హిస్తోంది. పంబ న‌దిలో వ‌ర‌ద ఉధృతి దృష్ట్యా.. పంబ‌, శ‌బ‌రిమ‌ల‌కు యాత్రికుల‌ను అధికారులు అనుమ‌తించ‌డం లేదు. పంబ‌, శ‌బ‌రిమ‌ల‌లో శ‌నివారం ద‌ర్శ‌నాలు నిలిపివేస్తూ జిల్లా కలెక్ట‌ర్ దివ్య ఎస్ అయ్య‌ర్ ఉత్త‌ర్వులు జారీ చేశారు. యాత్రికులంతా స‌హ‌క‌రించాల‌ని కేర‌ళ ప్ర‌భుత్వం కోరింది. భ‌ద్ర‌త దృష్ట్యా మాత్ర‌మే యాత్రికుల‌ను అనుమ‌తించ‌ట్లేద‌ని ప్ర‌భుత్వం స్ప‌ష్టం చేసింది.