బంగాళాఖాతంలో అల్పపీడనం.. కోస్తాంద్రకు 3 రోజుల వర్ష సూచన

Posted: 10/28/2021 11:11 AM IST

Low pressure area lies over southwest bay of bengal

దేశం నుంచి ఈశాన్య రుతుపవనాలు వెనుదిరుగుతున్న నేపథ్యంలో, వాయువ్య బంగాళాఖాతంలో అల్పపీడనం ఏర్పడింది. ఫలితంగా ఈ నెలాఖరు వరకు ఆంధ్రప్రదేశ్, కేరళ, తమిళనాడు, కర్ణాటక మహారాష్ట్ర సహా పుద్దుచేరిలలోనూ మోస్తారు నుంచి భారీ వర్షాలు కురిసే అవకాశం ఉందని భాతర వాతావరణ శాఖ తెలిపింది. మరీ ముఖ్యంగా తమిళనాడులోని గ్రామీణ ప్రాంతాల్లో భారీ నుంచి అతిభారీ వర్షాలు కురుస్తాయని వాతావరణ శాఖ అధికారులు తెలిపారు. కోస్తా కర్ణాటక, రాయలసీమ, కోస్తాంధ్ర, యానం లలో భారీ వర్షాలు కురుసే అవకాశముందన్ని అన్నారు.

దీనికి తోడు పలు ప్రాంతాల్లో ఉరుములు, మెరుపులతో కూడిన వర్షం కూడా పడుతుందని గ్రామీణ ప్రజలు అప్రమత్తంగా వుండాలని సూచించారు. దీంతో పాటు మహారాష్ట్ర, కేరళ, కర్ణాటకలోని కోస్తా తీర ప్రాంతాల్లోనూ భారీ వర్షాలు కురిసే అవకాశం వుందని తెలిపారు. కాగా, ఉత్తర కర్నాటక, తెలంగాణ, లక్షద్వీప్, మహే, పుద్దుచేరి, ఖరైఖల్ ప్రాంతాలు మాత్రం పెద్దగా వర్షాలు పడే అవకాశం లేదని వాతావరణ శాఖ అధికారులు తెలిపారు. ఈ ప్రాంతాల్లో పోడి వాతావరణం ఉంటుందని వాతావరణ శాఖ అధికారులు తెలిపారు.

ఇక అల్పపీడన ప్రభావంతో ఏపీలో మూడ్రోజుల పాటు విస్తారంగా వర్షాలు కురిసే అవకాశం ఉందని వాతావరణ శాఖ వెల్లడించింది. కోస్తా, రాయలసీమ ప్రాంతాల్లో ఈ నెల 30వ తేదీ వరకు ఒకట్రెండు చోట్ల భారీ వర్షాలు కూడా పడతాయని వివరించింది. రేపు ఎల్లుండి విశాఖ, తూర్పు గోదావరి, పశ్చిమ గోదావరి జిల్లాల్లోనూ వర్షాలు పడతాయని పేర్కొంది. మరోవైపు ఆగ్నేయ బంగాళాఖాతంలో ఉపరితల ఆవర్తనం కొనసాగుతోందని, దీనికి అనుబంధంగా ఉపరితల ద్రోణి కూడా ఏర్పడిందని వాతావరణ శాఖ వెల్లడించింది.