ITEMVIDEOS: కెన‌డా ప్ర‌ధాని జ‌స్టిన్ ట్రూడోకు పరాభవం.. రాళ్ల రువ్విన అందోళనకారులు

Posted: 09/07/2021 04:39 PM IST

కెన‌డా ప్ర‌ధాని జ‌స్టిన్ ట్రూడోకు ఎన్నికల ప్రచారమే గగనంలా తలపిస్తోంది. ఇప్పటికే కెనడాలో నిర్వహించిన ఒపీనియన్ పోల్ లో వెనకంజలో పయనిస్తున్న ఆయనకు క్షేత్రస్థాయిలోనూ పరాభవం ఎదురవుతోంది. ఎన్నికల ప్రచారంలో భాగంగా అంటారియోలోని లండ‌న్ నగరానికి చేరుకున్న ఆయనపై అందోళనకారులు రాళ్లదాడి చేశారు. ప్రధానితో పాటు బస్సులో ఎన్నికల ప్రచారాన్ని కవరేజ్ చేసేందుకు వచ్చిన పాత్రికేయులకు కూడా స్వల్పగాయాలయ్యాయి. ఇదే క్రమంలో ట్రూడో లిబరల్ పార్టీకి ఈ ఎన్నిక‌లలో ప్రతికూల పరిస్థితులు ఎదురవుతున్నాయన్న వార్తలు కూడా వినిపిస్తుంది.

కోవిడ్ వ్యాక్సిన్‌కు వ్య‌తిరేకంగా ఆందోళ‌న చేప‌డుతున్న నిర‌స‌న‌కారులు ప్ర‌ధాని ట్రూడోపై రాళ్లు రువ్విన‌ట్లు తెలుస్తోంది. చిన్నరాళ్ల‌తో జ‌రిగిన దాడిలో ఎవ‌రూ గాయ‌ప‌డ‌లేదు. కానీ ప్ర‌ధాని జ‌స్టిన్‌తో పాటు ఆయ‌న సిబ్బందిపై కూడా ఆ రాళ్లు ప‌డ్డాయి. ఓ బ్రెవ‌రీని విజిట్ చేసి తిరిగి త‌న బ‌స్సులోకి వ‌స్తున్న వేళ ఈ ఘ‌ట‌న జ‌రిగింది. కోవిడ్ నిబంధ‌న‌లను వ్య‌తిరేకిస్తున్న ఆందోళ‌న‌కారులు ప్ర‌ధాని జ‌స్టిన్ ట్రూడో ప్ర‌చార స‌భ‌కు అడ్డుతిరిగారు. ఇటీవ‌ల ఆందోళ‌న‌కారుల వ‌ల్ల ఓ ర్యాలీని కూడా ఆయ‌న ర‌ద్దు చేసుకున్నారు.

ఒంటారియోలో జ‌రిగిన ఘ‌ట‌న గురించి ఆయ‌న మాట్లాడుతూ.. ఎన్నికల ప్రచారపర్వాన్ని తన లిబరల్ పార్టీని గెలిపించేందుకు ప్రచారబాధ్యతలు ఎత్తుకున్న తనపై రాళ్ల దాడి చేసి తనను బెదరగొట్టాలన్న ప్రయత్నాలు సాగుతున్నాయని ట్రూడో అన్నారు. ఈ దాడిలో త‌న భుజంపై ఆ చిన్న రాళ్లు త‌గిలాయ‌ని, కానీ దాంతో బెదిరేదిలేద‌న్నారు. ప్ర‌ధానిపై రాళ్లు రువ్విన ఘ‌ట‌న‌ను ప్ర‌తిప‌క్ష నేత ఖండించారు. ప్ర‌తి ఒక్క‌రు వ్యాక్సిన్ వేసుకోవాల‌ని, ప్ర‌భుత్వ ఉద్యోగులు కూడా క‌చ్చితం టీకా వేసుకోవాల‌ని ట్రూడో ఆంక్ష‌లు విధించారు. వ్యాక్సిన్ స‌ర్టిఫికేట్ కూడా అవ‌స‌ర‌మ‌ని ఆయ‌న స్ప‌ష్టం చేశారు. దీన్ని యాంటీ వ్యాక్సిన్ ఆందోళ‌న‌కారులు త‌ప్పుప‌డుతున్నారు.