మరింత క్షీణించిన మాజీ రాష్ట్రపతి ప్రణబ్ ముఖర్జీ అరోగ్యం..

Posted: 08/26/2020 04:49 PM IST

Pranab mukherjee remains haemodynamically stable is on ventilatory support hospital

(Image source from: Mid-day.com)

మాజీ రాష్ట్రపతి ప్రణబ్‌ ముఖర్జీ ఆరోగ్య పరిస్థితి మళ్లీ విషమించింది, గత పదహారు రోజలుగా ఆయన ఢిల్లీ కంటోన్మెంట్ ఏరియాలోని ఆర్మీ రిసర్చ్ అండ్ రిఫరల్ ఆసుపత్రిలోనే చికిత్స పోందుతున్న విషయం తెలిసిందే. ప్రస్తుతం ఆయన ఆరోగ్య పరిస్థితి మరింత క్షీణించిందని ఆసుపత్రి వర్గాలు వెల్లడించాయి, గత వారంలో వెంటిలేటర్ పైనే వున్నా.. ఆయన ఆరోగ్యం నిలకడగానే వుండగా, తాజాగా ఆయన ఊపిరి తిత్తులకు కూడా ఇన్ ఫెక్షన్ సోకిందని దీంతో ఆయన అరోగ్యం మరింతగా దిగజారిందని ఆసుపత్రి వర్గాలు తాజాగా విడుదల చేసిన హెల్త్ బులెటిన్ లో పేర్కోన్నాయి,

ప్రణబ్ ముఖర్జీ ఈ నెల 10వ తేదీని బ్రెయిన్ లో రక్తం గడ్డకట్టడంతో దానికి శస్త్ర చికిత్స చేయించుకునే విషయమై ఆర్మీ ఆసుపత్రిలో చేరిన విషయం తెలిసిందే. అయితే సర్జరీ చేసే క్రమంలో ఆయనకు నిర్వహించిన పలు విధాల పరీక్షలలో ఆయనకు కరోనా సోకిందని కూడా నిర్థారణ అయ్యింది. అయినా వైద్యులు మాత్రం ఆయన శస్త్రచికిత్స చేశారు. దీంతో సర్జరీ తరువాత ఆయన ఆరోగ్యం విషమంగా మారిడంతో ఆయన కోమాలోకి జారుకున్నారు. అయితే అప్పటి నుంచి ఆయన పరిస్థితి విషమంగానే ఉంది. సర్జరీ నుంచి వెంటిలేటర్ ను సాయంతోనే శ్వాస తీసుకుంటున్నారు.

ఏ క్షణంలో ఎలాంటి వార్త వినాల్సి వస్తుందోనని అందోళన చెందిన ఆయన కుటుంబసభ్యులకు ఇవాళ ఆసుపత్రి వర్గాలు మరోమారు ఆయన క్షీణించిందని చెప్పారు. ఊపిరి తిత్తులకు సోకిన ఇన్ ఫెక్షన్ కు చికిత్స అందుతోందని, అయితే నిన్నటి నుంచి, కిడ్నీ సంబంధిత అవయవాల పనితీరు బాగాలేదని తెలిపింది. ప్రస్తుతం ఆయన కోమాలోనే ఉన్నారని, వెంటిలేటర్‌పై ఉంచే చికిత్స అందిస్తున్నామని పేర్కొంది. తాజా హెల్త్ బులెటిన్ నేపథ్యంలో ప్రణబ్ కుటుంబసభ్యులతో పాటు ఆయన అనూయాయువులు అందోళనకు గురవుతున్నారు. పశ్చిమ బెంగాల్ వాసులు ఆయన ఆరోగ్యంగా తిరిగిరావాలని దేవుణ్ణి ప్రార్థిస్తున్నారు.