ఏపీలో పెరిగిన కరోనా పాజిటివ్ కేసులు.. 603కు చేరిన సంఖ్య

Posted: 04/18/2020 01:34 PM IST

Coronavirus positive cases tally reaches 603 in andhra pradesh

ఆంధ్రప్రదేశ్ రాష్ట్రంలో కరోనా పాజిటివ్ కేసుల సంఖ్య రోజు రోజుకి పెరుగుతున్నాయి. ఢిల్లీ హజ్రత్ నిజాముద్దీన్ ఘటన వెలుగుచూసిన తరువాత రాష్ట్రంలో కరోనా కేసుల సంఖ్య అంతకంతకూ పెరుగుతూ వచ్చాయి. తాజాగా నిన్న ఉదయం నుంచి ఇవాళ్టి వరకు రాష్ట్రంలో కొత్తగా 31 కరోనా పాజిటివ్ కేసులు నమోదయ్యాయి. దీంతో రాష్ట్రంలో నమోదైన పాజిటివ్ కేసుల సంఖ్య 603 కి చేరుకుంది. ఇక మరోవైపు రాష్ట్రంలో మరణాల సంఖ్య కూడా 15కు చేరింది. ఇక ఇప్పటి వరకు కరోనావైరస్ బారిన పడినవారిలో మొత్తంగా 20 మంది వ్యాధి నుంచి కోలుకుని డిశ్చార్ అయ్యారు.

క్రితం రోజు ఉదయం తొమ్మిది గంటల నుంచి ఇవాళ ఉదయం తొమ్మిద గంటల వరకు కొత్తగా 31 కరోనా పాజిటివ్ కేసులు నమోదయ్యాయని రాష్ట్ర వైద్య అరోగ్యశాఖ వెల్లడించింది. వీటితో కలిపి రాష్ట్రంలో కొవిడ్‌ కేసుల సంఖ్య 603కి చేరింది. ఇవాళ నమోదైన కేసుల్లో కృష్ణా జిల్లాలో 18, కర్నూలు జిల్లాలో 5, నోల్లూరు జిల్లాలో 3 కేసులు, ప్రకాశం జిల్లాలో 2, తూర్పుదోగావరి జిల్లాలో 2, పశ్చిమ గోదావరి జిల్లాలో ఒక్కటి ఉన్నాయని వైద్య ఆరోగ్యశాఖ అధికారులు బులిటెన్‌లో తెలిపారు. దీంతో ఇప్పటి వరకు రాష్ట్ర వ్యాప్తంగా నమోదైన కేసుల సంఖ్య 603కు చేరింది.

ఇక ప్రస్తుతం రాష్ట్రంలోని వివిధ ఆసుపత్రుల్లో ప్రస్తుతం 546 మంది చికిత్స పొందుతున్నారు. ఇప్పటి వరకూ మూడు విడతలుగా సర్వే నిర్వహించిన అధికారులు 32 వేల మందికి పైగా అనుమానితులను గుర్తించారు. వారందరికీ వైద్య పరీక్షలు నిర్వహించాలని ప్రభుత్వం నిర్ణయించింది. ఇందులో భాగంగా ఏఎన్‌ఎంతో పాటు ఆశా కార్యకర్త, వైద్య సిబ్బంది సాయంతో ఇంటింటికీ వెళ్లి నమూనాలు సేకరించనున్నారు. కంటైన్మెంట్‌ జోన్లు, రెడ్‌ జోన్లలో ప్రత్యేకంగా కుటుంబ సర్వే నిర్వహించాలని వైద్య ఆరోగ్యశాఖ నిర్ణయించింది. ఇక తాజాగా నమోదైన మరో మరణంతో రాషట్రంలో ఇప్పటి వరకు మొత్తం మరణాల సంఖ్య కూడా 15కు చేరింది.

జిల్లాల వారీగా ఇప్పటి వరకు నమోదైన కరోనా వైరస్ పాజిటివ్ కేసుల వివరాలు ఇలా వున్నాయి,. గుంటూరు జిల్లాల్లో అత్యధికంగా 126 కేసులు నమోదు కాగా, నలుగురు మృతిచెందరాు. ఆ తరువాత కర్నూలు జిల్లాలో 129 కేసులు నమోదు కాగా ఇద్దరు మృతిచెందారు. నెల్లూరు-67 కేసులు రెండు మరణాలు, కృష్ణా-70 కేసులు నమోదు కాగా, తాజా మరణంతో జిల్లాలో ఐదు మరణాలు నమోదయ్యాయి, ప్రకాశం - 44, పశ్చిమగోదావరి-35, చిత్తూరు-30, విశాఖపట్నం-20, అనంతపురం-26 కేసులు రెండు మరణాలు సంభవించాయి.

ఇక తూర్పుగోదావరి జిల్లాలో అత్యల్పంగా -19 కేసులు నమోదయ్యాయి, ఇక విజయనగరం, శ్రీకాకుళం జిల్లాలో ఇప్పటికీ ఒక్క కరోనా కేసు నమోదు కాకపోవడంతో అధికారులు ఊపిరి పీల్చుకుంటున్నారు. విశాఖపట్నంలో ఆరుగురు, కృష్ణా జిల్లాల్లో నలుగురు, తూర్పు గోదావరి 3, చిత్తూరులో ఒకరు, నెల్లూరు, ప్రకాశం జిల్లాలో ఒకొక్కరు చోప్పున కరోనా వ్యాధి బారిన పడి కొలుకున్నారు. కాగా ప్రస్తుతం 546 మంది కరోనా పాజిటివ్ నేపథ్యంలో చికిత్స పోందుతున్నారని వైద్యాధికారులు తెలిపారు. కాగా విజయనగరం, శ్రీకాకుళం జిల్లాలు మినహాయించి రాష్ట్రంలోని అన్ని జిల్లాలను రోడ్ జోన్లుగా ప్రకటించారు అధికారులు.