దేశంలో 199కు చేరిన కరోనా మరణాలు.. 6412 పాజిటివ్ కేసులు

Posted: 04/10/2020 10:16 AM IST

దేశవ్యాప్తంగా కరాళ నృత్యం చేస్తున్న కరోనా వైరస్ బారిన అనేక మంది పడ్డారు. దేశంలోనూ వేగంగా విస్తరిస్తోన్న ఈ వైరస్ 24 గంటల వ్యవధిలో మరో 500 మందికి పైగా ప్రజలను తన బారిన పడేసింది.  దేశంలో కరోనా వైరస్‌ మహమ్మారి విజృంభణ కొనసాగుతోంది. శుక్రవారం ఉదయానికి దేశంలో కరోనా బాధితుల సంఖ్య 6412కి చేరిందని కేంద్ర ఆరోగ్య మంత్రిత్వశాఖ వెల్లడించింది. వీరిలో 199మంది మరణించగా 5709మంది ప్రస్తుతం చికిత్స పొందుతున్నారని ప్రకటించింది. మరో 504మంది కొవిడ్‌-19 నుంచి కోలుకున్నారు.

దేశవ్యాప్తంగా గత 24గంటల్లో కొత్తగా 33మరణాలతోపాటు పాజిటివ్‌ కేసులు భారీగా నమోదయ్యాయి. రానున్నరోజుల్లో ఈ కేసుల సంఖ్య మరింత పెరిగే అవకాశం ఉందని ప్రభుత్వం అంచనా వేస్తోంది. దేశంలో అత్యధికంగా మహారాష్ట్రలో కరోనా తీవ్రత కొనసాగుతోంది. గడచిన 24గంటల్లో ఇక్కడ 25మరణాలు సంభవించాయి. దీంతో రాష్ట్రంలో కరోనా బారినపడి మరణించిన వారి సంఖ్య 97కి చేరింది. మొత్తం పాజిటివ్‌ కేసుల సంఖ్య 1364గా ఉంది. ఆంధ్రప్రదేశ్‌లో గత 24గంటల్లో 15కొత్త కేసులు నమోదుకాగా తెలంగాణలో 18కేసులు నిర్ధారణ అయినట్లు ఆయా రాష్ట్ర ప్రభుత్వాలు ప్రకటించాయి. బిహార్‌, ఝార్ఖండ్‌, ఒడిశా, ఉత్తరాఖండ్‌లలో కరోనా తీవ్రత కాస్త తక్కువగానే ఉంది.

అత్యధిక కేసులు నమోదైన మహారాష్ట్రాలో తాజాగా ఈ సంఖ్య 1364 చేరగా, ఇప్పటివరకు 97 మరణాలు సంభవించాయి. ఆ తరువాత తమిళనాడులో 834     కేసులు నమోదయ్యారి. ఆ తరువాత ఢిల్లీలో 729 కేసులు, రాజస్థాన్ 463 కేసులు, తరువాత తెలంగాణలో 471 కేసులు, ఉత్తర్ ప్రదేశ్ 410, ఏపీలో 363, కేరళలో 357, మధ్యప్రదేశ్‌ లో 259, గుజరాత్ 241, కర్ఱాటక 181, హర్యానా 169, జమ్మూకశ్మీర్‌ లో 158, పశ్చిమ బెంగాల్ 116, పంజాబ్ లో 101 కేసులు నమోదయ్యాయి.