గత 12 గంటలుగా నమోదు కానీ ఒక్క కరోనా కేసు.. ఏపీలో చిత్రం

Posted: 04/09/2020 11:58 AM IST

No new coronavirus cases reported in andhra pradesh as of 9 00 am apr 09

ఆంధ్రప్రదేశ్ రాష్ట్రంలో కరోనా పాజిటివ్ కేసుల సంఖ్య రోజు రోజుకి వేగంగా పెరుగుతున్నాయి. మార్చి నెల 24 వరకు ఒకటి రెండుగా నమోదూన కేసులు ఢిల్లీలోని హజ్రత్ నిజాముద్దీన్ మర్కజ్ మసీదులో జరిగిన తబ్లీగి జమాత్ ప్రార్థనలు వెలుగు చేసిన తరువాత ఈ కేసులు ఒక్కసారిగా వందల సంఖ్యలోకి చేరాయి. దీంతో కేసులు ఏకంగా 300కు చేరవకు చేరుకున్నాయి. ప్రతీరోజు పదుల సంఖ్యలో నమోదవుతున్న కేసులలో ఇవాళ గణనీయమైన మార్పులు సంభవించాయి, గడిచిన 24 గంటల వ్యవధిలో ఆంధ్రప్రదేశ్ ఒక్క పాజిటివ్ కేసు కూడా నమోదు కాకపోవడం గమనార్హం.

యావత్ దేశంలో గడిచిన 24 గంటల వ్యవధిలో 463 కేసులు నమోదు కాగా, ఏపీలో మాత్రం ఒక్క కేసు నమోదు కాకపోవడంతో అధికారులు ఊపిరి పీల్చుకున్నారు, క్రితం రోజు రాత్రి 9గంటల నుంచి ఈరోజు ఉదయం 9గంటల వరకు ఒక్క పాజిటివ్‌ కేసు కూడా నమోదు కాలేదని వైద్య ఆరోగ్యశాఖ బులిటెన్‌లో తెలిపింది. పరీక్షల కోసం 217 మంది నమూనాలు పంపగా 217 రిపోర్టులు నెగిటివ్ వచ్చాయని అధికారులు వెల్లడించారు. రాష్ట్రంలో ఇప్పటి వరకు 348 పాజిటివ్‌ కేసులు నమోదైన విషయం తెలిసిందే. కరోనా బారి నుంచి పూర్తిగా కోలుకున్న వారి సంఖ్య 9కి చేరింది. ఆ తొమ్మిది మందిని డిశ్చార్జి చేసినట్లు అధికారులు వెల్లడించారు.

జిల్లాల వారీగా ఇప్పటి వరకు నమోదైన కరోనా వైరస్ పాజిటివ్ కేసుల వివరాలు ఇలా వున్నాయి,. కర్నూలు జిల్లాలో అత్యధికంగా 75 కేసులు నమోదు కాగా, ఆ తరువాత గుంటూరు-49, నెల్లూరు-48, కృష్ణా-35, కడప-28, ప్రకాశం - 27, పశ్చిమగోదావరి-22, చిత్తూరు-20, విశాఖపట్నం-20, అనంతపురం-13, తూర్పుగోదావరి జిల్లాలో అత్యల్పంగా-11 కేసులు నమోదయ్యాయి, ఇక విజయనగరం, శ్రీకాకుళం జిల్లాలో ఇప్పటికీ ఒక్క కరోనా కేసు నమోదు కాకపోవడంతో అధికారులు ఊపిరిపీల్చుకుంటున్నారు.