కరోనావైరస్: ఏపీలో డేంజర్ బెల్స్.. ఒక్కరోజే 17 పాజిటివ్ కేసులు

Posted: 03/31/2020 10:03 AM IST

Andhra pradesh sees 17 new coronavirus cases total tally up to 40

కరోనా వైరస్ కరాళ నృత్యం చేస్తోంది. దేశవ్యాప్తంగా కరోనా కేసులు సంఖ్య పెరుగుతున్న క్రమంలో అటు కేంద్ర ప్రభుత్వం, ఇటు రాష్ట్ర ప్రభుత్వాలు జనతా కర్ప్యూతో పాటు రాష్ట్రం మొత్తం లాక్ డౌన విధించిన విషయం తెలిసిందే. కేసుల సంఖ్య పెరుగుతోంది. అయినా కరోనా కేసులు రోజురోజుకు పెరుగుతుండటంతో తెలుగు రాష్ట్రాల్లో భయాందోలనలు వ్యక్తమవుతున్నాయి. తాజాగా ఏపీలో కరోనా పాజిటివ్ కేసుల సంఖ్య 40కి పెరిగింది. ఈ ఒక్కరోజే 17 కేసులు నమోదయ్యాయి. ఈ మేరకు రాష్ట్ర ఆరోగ్య శాఖ ఇవాళ తాజా ప్రకటన విడుదల చేసింది. బాధితుల్లో ఢిల్లీలో మతపరమైన ప్రార్థనలకు వెళ్లి వచ్చిన వాళ్లే ఎక్కువ మంది ఉన్నట్లు ప్రభుత్వం తెలిపింది.

ఈ క్రమంలో ఢిల్లీ నుంచి వచ్చిన వారిని గుర్తించే పనిలో అధికారులు ఉన్నారు. వీరి నుంచి తాజాగా పదేళ్ల బాలుడికి కరోనా సోకినట్టు తేలడం కలకలం రేపుతోంది. అనంతపురం జిల్లా హిందూపురంకి చెందిన బాలుడి కరోనా పాజిటివ్ వచ్చింది. నిన్నటి వరకు ఏపీలో కరోనా కేసుల సంఖ్య 23. ఆ సంఖ్య కాస్త ఒక్కసారిగా 40కి పెరగడం అందరిని ఆందోళనకు గురి చేస్తోంది. అటు ప్రభుత్వం కూడా అప్రమత్తమైంది. కరోనా కట్టడికి మరిన్ని చర్యలు చేపట్టింది. లాక్ డౌన్ ను మరింత కఠినంగా అమలు చేసే యోచనలో ఉంది. అత్యధికంగా ప్రకాశం జిల్లాలో 11 కరోనా కేసులు నమోదవడం ఆందోళన కలిగిస్తోంది.

* అనంతపురం జిల్లా లేపాక్షికి చెందిన పదేళ్ల బాలుడికి కరోనా
* మక్కా నుంచి వచ్చిన కర్నాటక వ్యక్తితో సన్నిహితంగా ఉన్న బాలుడు
* అనంతపురం జిల్లా లేపాక్షికి చెందిన 34 ఏళ్ల మహిలకు కరోనా
* మక్కా నుంచి వచ్చిన కర్నాటక వ్యక్తితో సన్నిహితంగా ఉన్న మహిళ
* ప్రకాశం జిల్లాలో అత్యధికంగా 11 కరోనా కేసులు
* గుంటూరు జిల్లాలో 9కి చేరిన కరోనా కేసులు
* విశాఖ జిల్లాలో 6, కృష్ణా జిల్లాలో 5కి చేరిన కరోనా కేసులు
* తూర్పుగోదావరి జిల్లాలో 4 కేసులు
* చిత్తూరు, కర్నూలు, నెల్లూరులో ఒక్కో కేసు నమోదు