కరోనా వైరస్ సోకకుండా ఇలా చేయవచ్చు: బీజేపి ఎమ్మెల్యే

Posted: 03/03/2020 07:08 PM IST

యావత్ ప్రపంచాన్ని భయకంపితుల్ని చేస్తున్న కరోనా వైరస్.. వ్యాప్తి చెందకుండా చక్కని తరుణోఫాయన్ని చెప్పారు బీజేపి ఎమ్మెల్యే. అంటార్టికా ఖండం తప్ప.. మిగత ప్రపంచాన్ని వణికిస్తున్న ఈ వైరస్ పై అమె అభిప్రాయాలను స్వయంగా రాష్ట్ర అసెంబ్లీలో బడ్జెట్ సమావేశాలు జరుగుతున్న తరుణంలో వ్యక్తం చేశారు. అమె వ్యక్తం చేసిన అభిప్రాయాల ప్రకారం గోమూత్రం, గోవు పేడ.. ఈ రెండుంటితో కరోనా వైరస్ ను వ్యాప్తి చెందకుండా చేయవచ్చునని అమె అభిప్రాయపడ్డారు.

అవు మూత్రం, ఆవు పేడతో రెండింటితో భయంకరమైన క్యాన్సర్ వ్యాధులనే నశింపజేయవచ్చునని.. అలాంటిది ఈ రెండింటితో వైరస్ వ్యాధుల వ్యాప్తికి కూడా చెక్ పెట్టవచ్చునని అమె అభిప్రాయపడ్డారు. ఆవుకు చెందిన పంచకాలు అన్నీ వేడిని రగల్చుతాయని, ఈ వేడితోనే భయంకరమైన వ్యాధులు సోకకుండా, వ్యాప్తి చెందకుండా వుంటాయని అన్నారు. గోమూత్రం చల్లితే ఆ ప్రాంతం ఎలా శుభ్రపడుతుందో అందరికీ తెలుసని, కరోనా వైరస్ పై కూడా గోమూత్రం, పేడ ప్రభావవంతంగా పనిచేస్తాయని తెలిపారు.

ఇక ఈ సందర్భంగా సుమన్ హరిప్రియ మాట్లాడుతూ మన ఆవులను పొరుగునే వున్న కొనుగోలు చేస్తున్న బంగ్లాదేశ్ మన దేశం నుంచి ఆవులను అక్రమంగా తరలించుకుపోతోందని అన్నారు. మన ఆవులను మాంసం కోసం తీసుకెళుతూ బంగ్లాదేశ్ ఆర్థికంగా ఎంతో బలపడిందని చెప్పారు. ఇవాళ ప్రపంచంలోనే పశుమాంసం ఎగుమతిదారుల్లో బంగ్లాదేశ్ రెండో స్థానంలో ఉందని వివరించారు. వారు వధిస్తున్న ఆవులన్నీ మనవేనని, గతంలో కాంగ్రెస్ ప్రభుత్వం దీనిపై ఎలాంటి చర్యలు తీసుకోలేకపోయిందని విమర్శించారు.