Man narrow escape from two lorries massive accident రెండు లారీలు ఢీ.. వాటి మధ్యనున్న వ్యక్తి..

Man narrow escape from two lorries massive accident in sangareddy

man narrow escape from massive road mishap, lucky man, man escape lorry accident, man unhurt in lorries accident, lorry accident sangareddy, man narrow escape, lorries accident, pothireddypally, sangareddy, zaheerabad, Sangareddy police, telangana, crime

A Man was lucky enough to have a narrow escape from a massive road mishap at pothireddy pally junction. Two lorries heading towards zaheerabad from sangareddy came with high speed at pothireddy pally junction, while turning they both met accident with eachother. A Man who was crossing the road escaped without any injury.

ITEMVIDEOS: మృత్యుంజయుడు.. రెండు లారీలు ఢీ.. వాటి మధ్యనున్న వ్యక్తి..

Posted: 02/26/2020 01:29 PM IST
Man narrow escape from two lorries massive accident in sangareddy

శివుడాజ్ఞ లేనిదే చీమైనా కుట్టదని.. నానుడి.. అనుకుంటాం కానీ అలా కూడా జరుగుతుందా.? అన్న అనుమానాలు అప్పుడప్పుడు కలగక మానవు. కానీ ఇది నిజంగానే నిజమనే ఘటన సంగారెడ్డి జిల్లా కేంద్రంలోని పోతిరెడ్డిపల్లి ప్రధాన కూడలిలో జరిగింది. అదృష్టవంతుడైన ఓ వ్యక్తి రోడ్డు దాటుతుండగా, ఒకటి కాదు రెండు లారీలు అతని వెంటే అదే మార్గంలో వచ్చాయి. రెండూ ఒకే వైపుకు దూసుకెళ్లే ప్రయత్నం చేశాయి. అయితే లారీలు రెండు ఢీకొన్నాయే తప్ప.. రోడ్డు దాటుతున్న అదృష్టవంతుడు మాత్రం సురక్షితంగా బయటపడ్డాడు.

వింటుంటే కాస్తా విస్మయానికి గురిచేసే ఘటన ఇది. సంగారెడ్డి జిల్లా కేంద్రంలోని పోతిరెడ్డిపల్లి చౌరస్తాలో రెండు లారీలు బీభత్సం సృష్టించిన ఘటన నేపథ్యంలో అటు సంగారెడ్డి వైపు వెళ్లే వాహనాలు, ఇటు సంగారెడ్డి నుంచి జహీరాబాద్ వైపు వెళ్లే వాహనాలతో రోడ్డు మొత్తం భారీగా ట్రాఫిక్ జామ్ అయ్యింది. సమాచారం అందుకున్న పోలీసులు ఢీకొన్న రెండు లారీలను క్లియర్ చేసి.. ట్రాఫిక్ ను క్రమబద్దీకరించారు. ఈ ఘటన ఇవాళ ఉదయం జరిగింది. ఇందుకు సంబంధించిన దృశ్యాలు అక్కడి సిసిటీవీ ఫూటేజీలో నిక్షిప్తం కావడంతో తప్పించుకున్న వ్యక్తిని మృత్యుంజయుడిగా స్థానికులు పేర్కొంటున్నారు.

పూర్తి వివరాల్లోకి వెళ్తే.. బుధవారం తెల్లవారుజామున ఒకే వైపు వెళ్తున్న రెండు లారీలు పరస్పరం ఢీకొన్నాయి. కాగా రెండు లారీల మధ్య నడుచుకుంటూ వెళ్తున్న ఓ వ్యక్తి ఇరుక్కుపోయాడు. అయితే తనకు ఎడమ వైపుగా వస్తున్న లారీని గమనించిన వ్యక్తి కుడి వైపుకి పరుగు తీశాడు. ఈలోగా వెనుక నుంచి మరో లారీ కూడా వస్తుందని తెలియడంతో ముందుకు పరుగు తీశాడు. ఈ క్రమంలో వ్యక్తికి ఎడమ వైపు లారీ డ్రైవర్ ముందుగా బ్రేక్ వేశాడు. ఆ తరువాత కుడి వైపు లారీ బ్రేక్ వేయడంతో అదుపుతప్పి వెనుక బాగంలోని లోడ్ మాత్రం ఎడమవైపు లారీపై పడింది. మరో రకంగా ఆ లారీ సపోర్టుతోనే అగింది.

కాగా, ఈ ఘటనలో ఎలాంటి గాయాలు లేకుండా అదృష్టవశాత్తు బతికి బయటపడ్డాడు. మృత్యువు రెండు వైపుల నుంచి లారీల రూపంలో వచ్చినా.. ప్రాణాలతో బయటపడటంతో అందరూ సదరు వ్యక్తిని అదృష్టవంతుడిగా పేర్కొంటున్నారు. ఈ ఘటన క్రమంలో అక్కడున్న వారు వ్యక్తి ఎలాంటి గాయాలు కాకుండా బయటపడటంతో ఊపిరి పీల్చుకున్నారు. రెండు లారీల డ్రైవర్లను పోలీసులు అదుపులోకి తీసుకుని విచారిస్తున్నారు. నిర్లక్ష్యంగా వాహనాలను నడిపి.. తోటి ప్రయాణికుల ప్రాణాలతో చెలగాటం అడుతున్నవారిపై పోలీసులు చర్యలు తీసుకోనున్నారు. 

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh