no tension in getting approval for building house plan ఇంటి పర్మీషన్ కోసం ఇక నో టెన్షన్.. అంతా అన్ లైన్..

No tension in getting approval for building house plan

telangana municipal act, new municipal act telangana, building permission, house paln approval, town planning section, revenue section, ghmc, hyderabad new, telangana latest news

Unlike just past days, now there is no tension in getting approval for building house plan with telangana government new muncipal act, which approves all housing plans online.

ఇంటి పర్మీషన్ కోసం ఇక నో టెన్షన్.. అంతా అన్ లైన్..

Posted: 01/17/2020 06:59 PM IST
No tension in getting approval for building house plan

సొంతఇంటి కల సాకరం చేసుకోవాలంటే.. ఇల్లు కట్టి చూడు.. పెళ్లి చేసి చూడు అనే నానుడి తప్పకుండా గుర్తుకు వస్తుంది. ఇల్లు అన్న పదం ప్రారంభమైనప్పటి నుంచి ప్లాన్ డ్రాయింగ్ మొదలు పెడితే అక్కడి నుంచి గృహప్రవేశం చేసే వరకు అన్ని ఇబ్బందులే. ఒకటి డబ్బుతో.. మరోకటి పర్యవేక్షణతో.. ఇలా నిత్యం పనే.. శ్రమలేకుండా బిల్డర్లు ఇచ్చామా.. ఇక మన పని అయినట్లే. ఎందుకంటే వారు వినియోగించే వస్తువుల్లో నాణ్యత మనకు తెలియదు. వారి పర్యవేక్షణకు పూర్తిగా మార్కులు వేసి నిబ్బరంగానూ వుండలేము. ఇక ముందుగా బిల్డింగ్ ప్లాన్ అమోదించుకోవడానికి టౌన్ ప్లానింగ్ అధికారుల చుట్టూ.. వారి కార్యాలయాల చుట్టూ కూడా ప్రదక్షిణలు చేయాల్సిందే.

అయితే ఇదంతా గతం.. ఇకపై అంతా అన్ లైన్ అంటోంది తెలంగాణ ప్రభుత్వం. ఈ మేరకు నూతనంగా తీసుకువచ్చిన మున్సిపల్ చట్టంతో తెలంగాణ ప్రభుత్వం శుభవార్త చెప్పింది. ఇళ్ల నిర్మాణ అనుమతుల్లో ప్రజలు ఎదుర్కొంటున్న ఇబ్బందులను తొలగించేందుకు కొత్త మునిసిపల్ చట్టాన్ని అమల్లోకి తెచ్చింది. ఈ చట్టం ద్వారా.. ఇంటి అనుమతులు సులభంగా మంజూరు కానున్నాయి. 75 గజాల్లోపు స్థలంలో జీ+1 ఇంటి నిర్మాణానికి అనుమతులు తీసుకోనక్కర్లేదు. అంతేకాకుండా ఆన్‌లైన్‌లో వివరాలు సమర్పించి కేవలం ఒక్క రూపాయి చెల్లిస్తే.. ఇల్లు నిర్మించుకునే సదుపాయం ఉంది. ఇల్లు కట్టాక మునిసిపాలిటీ నుంచి నో అబ్జెక్షన్ సర్టిఫికెట్ కూడా పొందాల్సిన అవసరం లేదు.

64 చదరపు అడుగులు నుంచి 500 చదరపు అడుగుల లోపు విస్తీర్ణంలో పది మీటర్ల ఎత్తులో ఇల్లు నిర్మించుకోవాలనుకుంటే.. ఆన్‌లైన్‌లో సెల్ఫ్ డిక్లరేషన్ సమర్పిస్తే వెంటనే అనుమతులు వస్తాయి. అటు.. 200 చదరపు అడుగుల లోపు లేదా 7 మీటర్ల లోపు భవనాలను కట్టేవారు 10శాతం బిల్డప్ ఏరియాను కూడా తనఖా పెట్టాల్సిన అవసరం లేదు. ఒకవేళ తప్పుడు వివరాలు నమోదు చేస్తే నోటీసులు ఇవ్వకుండానే ఇల్లును కూల్చేస్తారు. ఇదిలా ఉండగా, 500 చదరపు అడుగులు, అంతకంటే ఎక్కువ, 10 మీటర్ల లేదా అధిక ఎత్తులో ఇల్లు నిర్మించుకోవాలనుకున్న వాళ్లు ఆన్‌లైన్‌లో 21 రోజుల్లోనే అనుమతి పొందవచ్చు. అయితే.. ఎవరైనా నిబంధనలకు విరుద్ధంగా ఇల్లు నిర్మిస్తే మూడేళ్ళ జైలు, భారీ జరిమానా తప్పదని చట్టం చెబుతోంది.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh