సచివాలయ ఉద్యోగాలకు నోటిఫికేషన్ జారీ.! 16.200 పోస్టులు.!!

Posted: 01/11/2020 04:56 PM IST

గ్రామ, వార్డు సచివాలయాల్లో ఖాళీగా ఉన్న 16207 పోస్టులను భర్తీచేసేందుకు ప్రభుత్వం శుక్రవారం నోటిఫికేషన్‌ జారీచేసింది. వీటిలో 14,061 పోస్టులు గ్రామ సచివాలయాల్లో, 2146 పోస్టులు వార్డు సచివాలయాల్లో భర్తీచేయనుంది. అర్హత కలిగిన అభ్యర్థులు ఆన్ లైన్‌లో శనివారం నుంచి ఈ నెల 31 వరకూ దరఖాస్తు చేసుకోవాలని తెలిపింది. గ్రామ సచివాలయాల్లో.. పంచాయతీ కార్యదర్శి (గ్రేడ్‌-5)-61 పోస్టులు, గ్రామ రెవెన్యూ అధికారి(గ్రేడ్‌-2)-246 ఖాళీలు వున్నాయని తెలిపింది.

వీటితో పాటు ఏఎన్‌ఎం/ఎంపీహెచ్‌ఎ్‌స్ (మహిళలు)(గ్రేడ్‌-3)-648, విలేజ్‌ ఫిషరీస్‌ అసిస్టెంట్లు-69, విలేజ్‌ హార్టీకల్చర్‌ అసిస్టెంట్‌-1782, విలేజ్‌ అగ్రికల్చర్‌ అసిస్టెంట్‌ (గ్రేడ్‌-2)-536, విలేజ్‌ సెరికల్చర్‌ అసిస్టెంట్‌ 43, గ్రామ మహిళా సంరక్షణ కార్యదర్శి-762, ఇంజనీరింగ్‌ అసిస్టెంట్‌ (గ్రేడ్‌-2)-570, పంచాయతీ కార్యదర్శి (గ్రేడ్‌-6) డిజిటల్‌ అసిస్టెంట్లు 1134, విలేజ్‌ సర్వేయర్‌ (గ్రేడ్‌-3) 1255, వెల్ఫేర్‌ అండ్‌ ఎడ్యుకేషన్‌ అసిస్టెంట్‌-97, పశుసంవర్థక అసిస్టెంట్లుగా 6,858 పోస్టులకు నోటిఫికేషన్‌ ఇచ్చింది.
 
పట్టణ స్థానిక సంస్థల్లోని వార్డు సచివాలయాల్లో.. వార్డు అడ్మినిస్ట్రేటివ్‌ సెక్రటరీ-105, ఎమినిటీస్‌-371, శానిటేషన్‌ అండ్‌ ఎన్విరాన్‌మెంట్‌- 513, ఎడ్యుకేషన్‌ అండ్‌ డేటా ప్రాసెసింగ్‌- 100, ప్లానింగ్‌ అండ్‌ రెగ్యులేషన్‌- 844, వెల్ఫేర్‌ అండ్‌ డెవల్‌పమెంట్‌ సెక్రటరీలుగా 213 పోస్టులను భర్తీ చేయనుంది. ఇతర వివరాలు గ్రామ, వార్డు సచివాలయ వెబ్‌సైట్‌లో చూడాలని పేర్కొంది.