మహిళా రోగిపై డాక్టర్ పైశాచికత్వం.. అరెస్ట్.!

Posted: 10/14/2019 04:52 PM IST

58 yr old doctor rapes patient circulates video clip held

వైద్యో నారాయణో హరి అనే నానుడికి పరాకాష్ట ఈ ఘటన. వైద్యుడిని దేవుడితో పోల్చడం అటుంచితే వైద్యడిని వద్దకు చికిత్స కోసం వెళ్లిన రోగిపై పైశాచికత్వం చేయడమే కాకుండా అమెను బ్లాక్ మెయిలింగ్ చేస్తున్నాడు. మహిళా రోగిపై ఓ డాక్టర్ పాశవికంగా అత్యాచారం జరపడం కలకలం రేపుతోంది. ఈ దారుణ ఘటన ముంబైలో చోటు చేసుకుంది.

ముంబైలోని జోగేశ్వరి ఈస్ట్ ప్రాంతానికి చెందిన ఓ మహిళ (27) పైల్స్ సమస్యతో బాధపడుతోంది. ఈ క్రమంలో చికిత్స కోసం అదే ప్రాంతంలో ఉన్న డాక్టర్ వంశరాజ్ ద్వివేది క్లినిక్ కు వచ్చింది. ఆమెకు మత్తు ఇంజెక్షన్ ఇచ్చి 45 నిమిషాల పాటు నిద్రపోవాలని ద్వివేది సూచించాడు. ఆ తర్వాత ఆమె మత్తులోకి జారుకుంది. అనంతరం ఆమెపై అత్యాచారం చేసి, దాన్ని వీడియో తీశాడు.

ఆ తర్వాత ఆ వీడియోను బాధితురాలికి పంపి, తనతో శారీరక సంబంధం పెట్టుకోవాలని ద్వివేది ఒత్తిడి చేశాడు. ఆ తర్వాత ఆమె ఓ యువకుడిని పెళ్లి చేసుకున్న తర్వాత కూడా ఆమెను బెదిరించాడు. ద్వివేది బెదిరింపులను తట్టుకోలేకపోయిన ఆమె... జరిగిన విషయాన్ని తన భర్తతో చెప్పింది. అనంతరం భార్యాభర్తలు ఇద్దరూ వచ్చి పోలీసులకు ఫిర్యాదు చేశారు. కేసు నమోదు చేసిన పోలీసులు... ద్వివేదిని అరెస్ట్ చేశారు.