గో ఎయిర్ బంఫర్ ఆఫర్.. రూ.1000కే టికెట్

Posted: 09/10/2019 12:50 PM IST

Book flight tickets starting from rs 1020 under go air flash forward sale

ప్రముఖ విమానయాన కంపెనీ గోఎయిర్ తాజాగా టికెట్ ధరల డిస్కౌంట ఆఫర్ ప్రకటించింది. ఫ్లాష్ ఫార్వర్డ్ సేల్ 2020 పేరుతో విమాన టికెట్లపై డిస్కౌంట్ అందిస్తోంది. ఈ ఆఫర్లో భాగంగా టికెట్లను బుకింగ్ చేసుకున్న వారు 2020 జనవరి 14 నుంచి 2020 జూలై 31 మధ్యలో ఎప్పుడైనా ప్రయాణించొచ్చు. విమాన టికెట్ల డిస్కౌంట్ ఆఫర్ కేవలం సెప్టెంబర్ 10న మాత్రమే అందుబాటులో ఉండనుంది.

డిస్కౌంట్ స్కీమ్‌లో భాగంగా విమాన టికెట్ ధర రూ.1,020 నుంచి ప్రారంభమౌతోంది. దేశీ ప్రయాణానికి మాత్రమే తగ్గింపు ఆఫర్ వర్తిస్తుంది. గోఎయిర్ అధికారిక వెబ్‌సైట్ లేదా సంస్థ మొబైల్ యాప్‌లో టికెట్లను బుకింగ్ చేసుకున్న వారికి మాత్రమే ఆఫర్ వర్తిస్తుంది. కంపెనీ అలాగే స్మార్ట్ రిటర్న్స్ పేరుతో మరో ఆఫర్ కూడా ప్రయాణికులకు అందిస్తోంది. డిస్కౌంట్ కేవలం బేస్ ఫేర్‌కు మాత్రమే వర్తిస్తుంది. మొబైల్ యాప్ ద్వారా టికెట్లను బుకింగ్ చూసుకుంటే 10 శాతం అదనపు తగ్గింపు కూడా పొందొచ్చు.

దీనికోసం గోయాప్ 10 ప్రోమో కోడ్ ఉపయోగించాలి. డిస్కౌంట్ కేవలం బేస్ ఫేర్‌కు మాత్రమే వర్తిస్తుంది. ఇకపోతే ఆఫర్‌ను ఎప్పుడైనా వెనక్కు తీసుకునే అధికారం కంపెనీకి ఉంటుంది. ఆఫర్ నిబంధనలు కూడా మార్చే హక్కు కూడా సంస్థకు ఉంది. ఈ విషయాన్ని ప్రయాణికులకు ముందుగా తెలియజేయాల్సిన అవసరం కూడా కంపెనీకి లేదు. బుకింగ్ చేసుకున్న టికెట్లను క్యాన్సిల్‌ చేసుకుంటే స్టాండర్డ్ క్యాన్సలేషన్ చార్జీలు వర్తిస్తాయి.