టీవీ నటి నళినిపై దాడి.. పొలీసు కేసు నమోదు..

Posted: 08/31/2019 02:36 PM IST

స్టార్ ప్లస్ టీవీలో ప్రసారమయ్యే ‘నామ్ కరణ్’ షోతో పాప్యులర్ అయిన బుల్లితెర నటి నళిని నేగిపై దాడి జరిగింది. స్నేహితురాలే కదా.. అనుకుని సాయం చేద్దామనుకున్న ఆమె మంచి మనసును ఆమె స్నేహితురాలే గాయపర్చింది. బౌతికింగానే కాకుండా తన స్నేహితురాలు చేసిన మానసిక గాయం పట్లు నళిని మళ్లీ మళ్లీ తలుచుకుని బాధపడుతొంది. రూమ్మేట్ ప్రీతి రాణా, తల్లి స్నేహలత రాణాతో కలిసి తనపై దాడి చేసిన ఘటనపై అమె పోలీసులను ఆశ్రయించి వారిపై పిర్యాదు చేసింది. నళిని ఇచ్చిన కంప్లేంట్ ఆధారంగా పోలీసులు వారిపై ఎఫ్ఐఆర్ నమోదు చేసుకున్న పోలీసులు దర్యాప్తు చేస్తున్నారు.

ఓషివారా పోలీసుల కథనం ప్రకారం.. కొన్నేళ్లుగా నళిని, ప్రీతి కలిసి ఉంటున్నారు. ఆ తర్వాత నళిని మరో ఫ్లాట్ కు మారింది. ఇటీవల నళినిని కలిసిన ప్రీతి.. తనకు ఫ్లాట్ దొరకడం లేదని, దొరికేంత వరకు కొన్ని వారాల పాటు తాను కూడా కలిసి ఉంటానని అభ్యర్థించింది. సర్లే స్నేహితురాలే కదా.. అని ప్రీతి వినతిని నళిని అంగీకరించింది. అయితే, ఆ తర్వాత కొన్ని రోజులకు ప్రీతి తల్లి స్నేహలత కూడా నళిని ఫ్లాట్ కు వచ్చి అక్కడే తిష్ట వేసింది. అంతేకాదు.. తన కూతురితో పాటు అమెను కూడా ఇంట్లో అప్పన్నంగా ఉంచనిచ్చినందుకు ఎంతో కృతజ్ఞతగా వుండాల్సిన స్నేహలత.. నళిని పట్ల అమర్యాదగా ప్రవర్తిస్తూ.. అమెను అకారణంగా దూషిస్తూ వచ్చింది.

తొలుత పోనిలే పెద్దావిడ అని ఊరుకుంటే రానురాను ఇది మరీ ఎక్కువైంది. దీంతో వారిని తన ఫ్లాట్ ఖాళీ చేయాల్సిందింగా కోరింది. గతవారం నళినితో స్నేహలత అకారణంగా వాదనకు దిగింది. అక్కడితో ఆగక కుమార్తె ప్రీతితో నళినిపై లేనిపోనివి చెప్పింది. దీంతో ఇద్దరూ కలిసి నళినిని అసభ్యంగా తిడుతూ దాడి చేశారు. స్నేహలత గ్లాసుతో నళిని ముఖంపై దాడిచేసింది. ఇద్దరూ కలిసి తనను చంపేందుకు ప్రయత్నించారని పోలీసులకు ఇచ్చిన ఫిర్యాదులో నళిని పేర్కొంది. తాను నటిని కావడంతో తన ముఖాన్ని ఛిద్రం చేయాలని భావించారని ఆరోపించింది. కేసు నమోదు చేసుకున్న పోలీసులు దర్యాప్తు చేస్తున్నారు. కాగా, ఈ విషయం వెలుగులోకి రావడం.. రూమ్ మేట్ అమె తల్లి దాడితో కమిళిపోయిన నళిని ముఖానికి సంబంధించిన ఫొటోలు సోషల్ మీడియాలో వైరల్ అవుతున్నాయి.