మాజీ ప్రధాని మన్మోహన్ సింగ్ కు ఎస్పీజీ భద్రత ఉపసంహరణ..

Posted: 08/26/2019 12:06 PM IST

భారత మాజీ ప్రధాని మన్మోమన్ సింగ్‌ భద్రతను కేంద్రం హోం మంత్రిత్వశాఖ కుదించింది. ఇప్పటికే ఉన్న సెక్యూరిటీని తగ్గిస్తూ చాలామంది రాజకీయ నేతలకు షాకిచ్చిన కేంద్రం.. మాజీ ప్రధానికి ఉన్న సెక్యూరిటీని కూడా తగ్గించింది. మన్మోహన్ సింగ్ కు ఉన్న స్పెషల్ ప్రొటెక్షన్ గ్రూప్ (ఎస్పీజీ) సెక్యూరిటీని కేంద్రం ఉపసంహరించింది. మన్మోహన్ సింగ్ కు జెడ్ ప్లస్ క్యాటగిరీ భద్రత కల్పిస్తున్నామని చెప్పిన కేంద్రం.. ఆయనను సీఆర్ఫీఎఫ్ బలగాల భద్రత కిందకు తీసుకొచ్చింది.

దేశంలోని ప్రముఖుల భద్రతను సమీక్షించే విభాగం నివేదికల ఆధారంగా కేంద్ర ఈ నిర్ణయం తీసుకున్నట్లు సమాచారం. ప్రముఖుల జీవితాలకు ముప్పు ఎంత వరకు ఉందనే వార్షిక సమీక్ష సందర్భంగా ఈ నిర్ణయం తీసుకున్నమని కేంద్ర హోంశాఖ అధికారులు తెలిపారు. మన్మోహన్ కు ఎస్పీజీ భద్రతను తొలగించినప్పటికీ... ఆయనకు ఉన్న జెడ్ ప్లస్ కేటగిరీ సెక్యూరిటీ కొనసాగుతుందన్నారు. పదేళ్ల పాటు దేశ ప్రధానిగా ఉన్న మన్మోహన్... తన భద్రత విషయంలో ఎలాంటి ఆందోళనకు గురికావడం లేదు.