ITEMVIDEOS: బోనాల సందర్భంగా తెలంగాణవాసులకు పవన్ కల్యాణ్ గిఫ్ట్.!

Posted: 07/20/2019 11:06 AM IST

ఆంధ్రప్రదేశ్ అసెంబ్లీ ఎన్నికలకు ముందు తమ పార్టీ అధికారంలోకి వస్తుందని చెప్పినా.. ఉనికిని మాత్రం నిలుపుకుంటుందని పార్టీశ్రేణులతో పాటు జనసైనికులు, పార్టీ ప్రముఖులు కూడా ఆశించారు. అయితే అందుకు భిన్నమైన ఫలితాలు రావడం.. అనేక చోట్ల పోలైన ఓట్లకు లెక్కింపు జరిగిన ఓట్లకు కూడా వ్యత్యాసం వుందని స్పష్టంగా తేలిపోయింది. దీంతో అసలేం జరిగిందీ అన్న విషయాన్ని పార్టీ నేతలు ఇప్పటికీ సమీక్షలు నిర్వహిస్తూనే వున్నారు.

ఏపీ ఫలితాల విడుదలైన నేపథ్యంలో జనసేన అధినేత పవన్ కల్యాణ్ కాస్త అచితూచి అడుగులు వేస్తున్నారు. తమ పార్టీకి ఆశించిన స్థాయిలో ఫలితాలు రాకపోవడానికి కారణాలపై పార్టీ ముఖ్య నేతలతో సమీక్షలు జరిపారు. జనసేనను క్షేత్రస్థాయి నుంచి బలోపేతం చేయడంపై చర్చించారు. మరింత ఉదృంతంగా పార్టీని ప్రజల్లోకి తీసుకెళ్లాల్సిన అవసరం కూడా వుందని ఆయన పార్టీ నేతలకు సూచించారు.

ఇక ఇదే తరుణంలో ఒక్క ఆంధ్రప్రదేశ్ పైనే తన దృష్టిని కేంద్రీకరించడం కూడా సమంజసం కాదని.. రానున్న ఎన్నికల నాటిని పార్టీని తెలంగాణలో కూడా బలోపేతం చేసి.. కార్యకర్తలను పార్టీ క్యాడర్ ను సిద్దం చేయాలని కూడా వ్యూహాలను రచిస్తున్నట్లు వున్నారు. ఈ క్రమంలో తెలంగాణవాసులతో మమేకం అయ్యేందుకు ఆయన తన పార్టీ తరపున సన్నదమవుతున్నారు. ప్రస్తుతం తెలంగాణలో రాష్ట్ర ప్రజలు జరుపుకుంటున్న బోనాల ఉత్సావాల నేపథ్యంలో వారికి పవన్ కల్యాణ్ ఓ గిప్ట్ ఇచ్చారు. అదేంటి అంటారా.? తెలంగాణ సంస్కృతికి ప్రతిబింభంలా నిలిచే బోనాల పండుగను పురస్కరించుకుని పవన్ కల్యాణ్ ప్రత్యేక గీతాన్ని విడుదల చేశారు. ఈ పాటను మీరూ చూసేయండి.