Pawan Kalyan's Speech in TANA Gets a Thundering Response ఏ తప్పూ చేయని, సత్యం మాట్లాడే తాను ఎందుకు బాధపడాలి... పవన్ కళ్యాణ్

Pawan kalyan s speech in tana gets a thundering response

Janasena, Pawan Kalyan, TANA, Pawan Kalyan news, Pawan Kalyan press meet, Pawan Kalyan latest, Pawan Kalyan new, Pawan Kalyan meeting, Pawan Kalyan political meet, Janasena news, Janasena updates

Jansena Chief Pawan Kalyan attended the TANA Event in USA

ఏ తప్పూ చేయని, సత్యం మాట్లాడే తాను ఎందుకు బాధపడాలి... పవన్ కళ్యాణ్

Posted: 07/06/2019 11:28 AM IST
Pawan kalyan s speech in tana gets a thundering response

ఉత్తర అమెరికా తెలుగు సంఘం (తానా) మహాసభలకు జనసేన అధినేత పవన్ కళ్యాణ్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ.. రాజకీయాల్లోకి రావడానికి కారణాలను వివరించారు. అలాగే ఆంధ్రప్రదేశ్ ఎన్నికల్లో అపజయం గురించి కూడా ప్రస్తావించారు.గొంతుక వినిపించడానికే తాను రాజకీయాల్లోకి వచ్చినట్టు పవన్ వివరించారు. నీతి, నిజాయితీతో కూడిన రాజకీయాలే తన కర్తవ్యమని పేర్కొన్నారు.

ఓట్లకు నోట్లు ఇచ్చి గెలిచిన పార్టీలు అధికారాన్ని పొందుతున్నాయనీ... అలాంటి పార్టీలు అధికారంలోకి వచ్చాక... ప్రజలను పట్టించుకోవట్లేదనీ, ఆల్రెడీ డబ్బు ఇచ్చాం కాబట్టే తమకు ఓటు వేశారన్న ఆలోచనా ధోరణితో ఉంటున్నాయని విమర్శించారు.డబ్బులిచ్చి ఓట్లు సంపాదించి గెలవడం కంటే... డబ్బులు ఇవ్వకుండా... ఓట్లు రాకుండా ఓడిపోయినా... ఆ అపజయాన్ని తాను సంతోషంగా స్వీకరిస్తానని అన్నారు. జైల్లో కూర్చొని వచ్చిన వాళ్లు ఇప్పుడు హ్యాపీగా ఉంటున్నప్పుడు... ఏ తప్పూ చేయని, సత్యం మాట్లాడే తాను ఎందుకు బాధపడాలని... పరోక్షంగా ఓ పార్టీని టార్గెట్ చేశారు పవన్ కళ్యాణ్. అలాగే సక్సెస్ తనకు ఎంత పాఠం నేర్పిందో తెలియదు కానీ, చిన్నతనం నుంచి ఫెల్యూర్స్‌కు తనకు అనే పాఠాలు నేర్పాయని పవన్ వ్యాఖ్యానించారు. ప్రతి ఓటమీ తనను విజయానికి దగ్గర చేసిందని అన్నారు. కుంభకోణాలు చేస్తూ, ద్రోహాలు చేసి తాను రాజకీయాల్లోకి రాలేదని, విలువల కోసం నిలబడ్డానని అందుకే ఓటమిని సంతోషంగా స్వీకరించానని పేర్కొన్నారు. తనకు తానుగా అన్ని విషయాలను నేర్చుకున్నానని, అప్పటి నుంచి సమాజం కోసం పనిచేయాలని కోరిక ఏర్పడిందని తెలిపారు.ఓటుకు నోటు విధానాన్ని ప్రతి ఒక్కరూ వ్యతిరేకించాలని కోరారు. ఖుషి సినిమా తర్వాత... రాజకీయాల్లోకి వచ్చి... యువతను చైతన్య పరచాలనే ఉద్దేశంతో నిర్ణయం తీసుకున్నానన్న ఆయన... స్వామి వివేకానంద స్ఫూర్తితో... ఎంతో ఆలోచించి జనసేన పార్టీ పెట్టానన్నారు. ఎవరు ఎన్ని దెబ్బలు కొట్టినా... వెనకడుగు వేయకూడదన్న బలమైన కాంక్షతో తాను ఉన్నట్లు తెలిపారు. జనసేన ఓటమి తర్వాత... ఆ అపజయాన్ని జీర్ణించుకోవడానికి తనకు 15 నిమిషాలే పట్టిందన్న పవన్... తాను స్కాములు చేసి ఎన్నికల్లో పోటీ చేయలేదని అన్నారు. ఈ పోరాటంలో ఎదురుదెబ్బలు తగలొచ్చని, నలిగిపోవచ్చని అయినా సరే వెనుకడగు వేసే ప్రసక్తేలేదని పవన్ ఉద్ఘాటించారు.


(Video Source: NTV Entertainment)

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Pawan Kalyan  TANA  

Other Articles

Today on Telugu Wishesh