మందుబాబులకు షాక్: వరుసగా 3 రోజులు అమ్మకాల బంద్

Posted: 12/04/2018 07:39 PM IST

మందుబాబులకు బ్యాడ్ న్యూస్. అయితే మందుబాబుల కుటుంబసభ్యులకు మాత్రం గుడ్ న్యూస్. అదేంటి అంటారా.. నిత్యం మద్యం తాగి వచ్చేవారు ఇక మూడు రోజుల పాటు మద్యం లేకుండా మామూలుగానే ఇళ్లకు చేరుకుంటారు కాబట్టి. ఔనా.. ఎందుకు అంటారా..? తెలంగాణలో అసెంబ్లీ ఎన్నికల సందర్భంగా వరుసగా మూడు రోజుల పాటు మద్యం దుకాణాలను బంద్ కావడంతో మందుబాబులకు ఇది బ్యాడ్ న్యూస్. బుధవారం సాయంత్రం ఆరు గంటల నుంచి నిబంధనలు అమల్లోకి రానుంది.

డిసెంబర్ 5 నుంచి మూడు రోజుల పాటు గ్రేటర్ హైదరాబాద్ పరిధిలో మద్యం అమ్మకాలను నిలిపివేయనున్నట్లు రాష్ట్ర ఎక్సైజ్ శాఖ ప్రకటించింది. తెలంగాణ ఎన్నికల ప్రచారం రేపు సాయంత్రం 6 గంటలకు ముగిసిన తర్వాత అమ్మకాలపై నిషేధం ప్రారంభం అవుతుందని వెల్లడించింది. చివరగా పోలింగ్ జరిగే డిసెంబర్ 7న సాయంత్రం 6 గంటల వరకూ ఈ నిషేధం అమలులో ఉంటుందని పేర్కొంది. అలాగే ఫలితాలు వెలువడే డిసెంబర్ 11న ఉదయం 6 గంటల నుంచి మరుసటిరోజు మధ్యాహ్నం వరకూ మద్యం అమ్మకాలను నిలిపివేస్తామని స్పష్టం చేసింది.