అవినీతి నిరోధక చట్టంలోకి.. అనుచిత ప్రయోజనం..

Posted: 09/10/2018 12:34 PM IST

Seeking sexual favours will count as bribe under new anti corruption law

ప్రభుత్వ అధికారులు ఏ స్థాయిలోని వారైనా.. ఇకపై ఒళ్లు దగ్గరపెట్టుకుని పనిచేయాల్సిందే. ఎందుకంటే అవినీతి నిరోధక శాఖ సిఫార్సుల మేరకు సవరణలు జరిగిన అనంతరం కొత్తరూపు దాల్చిన ఈ చట్టం మరింత శక్తివంతంగా మారింది. ఈ చట్టంలో అనుచిత ప్రయోజనాలు అన్న పదం అత్యంత శక్తివంతంగా మారింది. భవిష్యత్తులో ఈ పదం లంచావతారాల భరతం పట్టేందుకు దొహదపడనుంది. కీలకమైన పనులను అడ్డుపెట్టుకుని ఇన్నాళ్లు లైంగిక సేవలను బలవంతంగా కొరిన అధికారులకు ఇప్పటికైనా తమ పద్దతి మార్చుకోవాల్సిందే. లేదంటే అరున్నోక్క ఏఢాది పాటు కటకటాలు లెక్కబెట్టాల్సిందే.

అవినీతి చట్టంలో లైంగిక సేవలను లంచంగా కోరుకోవడం ఇన్నాళ్ల పాటు స్థానం కల్పించకపోవడంతో అలాంటి పనులను అలవాటు పడిన అధికారులతో పాటు డబ్బు రూపంలో కాకుండా అస్తుల రూపకంగానూ కాకుండా.. మరో రూపంలో లంచాలకు అలవాటు పడిన అధికారులకు పాలిట ఇకపై అవినీతి నిరోధక చట్టం పశుపతాస్త్రంలా పరిణమించనుంది. ఇకపై ఎవరైనా ఇలాంటి వాటిని ఆఫర్ చేస్తే, వాటిని అంగీకరించి వారికి అవసరమైన పనులు చేసిపెట్టడం వంటివి ఇకపై నేరాలే. అవినీతి నిరోధక సవరణ చట్టం-2018

ప్రకారం, అనుచితమైన ప్రయోజనాలు పొందడం శిక్షార్హమైన నేరం. దీనికి గరిష్ఠంగా ఏడు సంవత్సరాల జైలు శిక్ష పడుతుంది. ఈ చట్టంపై ఇప్పటికే రాష్ట్రపతి రామ్ నాథ్ కోవింద్ సంతకం కూడా పెట్టేశారు. మూడు దశాబ్దాల నాటి అవినీతి నిరోధక చట్టాన్ని మరింత శక్తిమంతం చేస్తున్న ఈ సవరణల ప్రకారం, ప్రభుత్వ ఉద్యోగులు లంచంగా లైంగిక సేవలను పొందినా, విలాసవంతమైన క్లబ్బుల్లో సభ్యత్వాలు, ఖరీదైన ఆతిథ్యాలు పొందినా కేసులను ఎదుర్కోవాల్సివుంటుంది. బంధువులు, స్నేహితులు, ఇతరులకు సాయం చేసి, వారి నుంచి అనుచిత ప్రయోజనం పొందినా, ఈ చట్టం ప్రకారం శిక్షార్హులే. విహార యాత్రలకు వెళ్లేందుకు టికెట్లను బహుమతిగా పొందినా నేరమే అవుతుందని, 'అనుచిత ప్రయోజనం' అన్న పదం రాబోయే రోజుల్లో విస్తృత రూపం సంతరించుకుని చట్టం అమలుకు దోహదపడుతుందని న్యాయనిపుణులు అభిప్రాయపడ్డారు.