ఇండిగో వార్షికోత్సవ ఆఫర్.. కారుచౌకగా విమాన టికెట్లు.!

Posted: 07/10/2018 03:26 PM IST

చౌకధరలో విమానయాన్ని కల్పించే సంస్థగా పేరొందిన ఇండిగో విమానయాన సంస్థ మరో మారు తమ ప్రయాణికులకు బ్రహ్మాండమైన ఆఫర్ ప్రకటించింది. తమ సంస్థ 12వ వార్షికోత్సవం సందర్భంగా కస్టమర్లకు ఈ బంపర్ ఆఫర్ ప్రకటించింది. ఈ ఆఫర్ కింద మొత్తం 12 లక్షల సీట్లను అతి తక్కువ ధరకు అందుబాటులోకి తీసుకోచ్చింది. కేవలం రూ.1,212 ధరకే విమానాయాన్ని కల్పించింది. ఈ ధరలు  ఇవాళ్టి (జులై 10) నుంచి నాలుగు రోజులు (అంటే జులై 14 వ తేదీ వరకు) మాత్రమే అందుబాటులో ఉంటాయి. ఈ ఆఫర్ ప్రకారం.. జులై 25, 2018 నుంచి మార్చి 30, 2019 మధ్య ఏ తేదీకైనా టికెట్ బుక్ చేసుకోవచ్చు.

ఇండిగో నెట్‌వర్క్ లోని మొత్తం 57 నగరాల మధ్య ప్రయాణానికి ఈ రాయితీ వర్తిస్తుందని, అంతర్జాతీయ ప్రయాణానికి కూడా తక్కువ ధరలో టికెట్లను బుక్ చేసుకోవచ్చని ఇండిగో ఓ ప్రకటనలో పేర్కొంది. ఎస్బీఐ కార్డు ద్వారా కనీసం రూ.3000 ట్రాన్సాక్షన్ జరిపే వారికి రూ.500 వరకు క్యాష్ బ్యాక్ ఆఫర్ కూడా వస్తుందని తెలిపింది. కనిష్టంగా 25 శాతం రాయితీని ఇండోగో ఈ ఆఫర్ కింద తమ కస్టమర్లకు అందిస్తుంది.

ఇండిగో చీఫ్ స్ట్రేటజీ ఆఫీసర్ విలియం బౌల్టర్ మాట్లాడుతూ.. ‘‘ఆగస్టు 4వ తేదీకి ఇండిగో 12 ఏళ్లు పూర్తిచేసుకుంటున్న సందర్భంగా మా నెట్‌వర్క్‌లోని 57 నగరాల మధ్య చౌకగా ప్రయాణించేందుకు 12 లక్షల సీట్లను తక్కువ ధరలకు విక్రయిస్తున్నాం. భారత విమానయానంలో ఇంత భారీగా తక్కువ ధరకే టికెట్లను విక్రయిస్తున్నందుకు చాలా ఆనందంగా ఉంది. ఈ ఆఫర్ జులై 13, 2018తో ముగుస్తుంది’’ అని తెలిపారు.