హత్యాయత్నంపై పిర్యాదు చేసినా పోలీసులు పట్టించుకోరా.?

Posted: 06/30/2018 11:26 AM IST

విజయవాడ పోలీసులపై ఈ మద్యకాలంలో విమర్శలు అధికమవుతున్నాయి. ఇటీవల ఓ గ్రామ సర్పంచ్ తన భర్తపై పిర్యాదు చేసినా.. పట్టించుకోలేదని అమె స్వయంగా అరోపించగా, తాజాగా.. తన మాజీ ప్రియుడిపై పిర్యాదు చేసినా పోలీసులు పట్టించుకోలేదని టీవీ నటి అరోపిస్తున్నారు. అధికార బలం, అర్థం బలం వున్న వారిపై కేసులు పెట్టేందుకు పోలీసులు మీనమేషాలు లెక్కిస్తుండగా, ఓ వైపు రెండేళ్ల క్రితం కేసులోనే అధికార పార్టీ నేతలను కూడా జైలుకు పంపించి సీఐడీ ఇచ్చిన నివేదిక మేరకు చర్యలు తీసుకోని పోలీసులపై వేటు కూడా వేసిన ఘటనలను బెజవాడ పోలీసులు మర్చిపోతున్నారు.

అర్ధరాత్రి రోడ్డుపై తన బట్టలు చించి పరుగులు పెట్టించిన మాజీ ప్రియుడు ఫిరోజ్ ఖాన్, అతని తాజా ప్రియురాలు కీర్తీరెడ్డిలపై పోలీసులు ఇంతవరకూ ఎటువంటి చర్యలూ తీసుకోలేదని బాదితురాలు టీవీ నటి షేక్ సమీర మీడియా ముందు వాపోయింది. తనకు ఫిరోజ్ కు మధ్య ఉన్న సంబంధాన్ని గురించి వెల్లడించిన ఆమె, తమది గుంటూరు జిల్లా అని, టీవీల్లో నటిస్తూ, దుబాయ్ లో ఉద్యోగం చేసుకుంటూ బతుకుతున్నానని చెప్పింది. గుట్కా వ్యాపారం చేస్తున్న విజయవాడకు చెందిన ఫిరోజ్ ఖాన్ పరిచయం కాగా, తామిద్దరం కొంతకాలం ప్రేమించుకున్నామని చెప్పింది. అతను అండగా ఉంటాడని నమ్మానని వెల్లడించింది.చేతిపై బ్లేడ్ గాయాలు చూపుతున్న సమీర

టీవీ సీరియల్స్ లో అవకాశాలు ఇప్పిస్తానని తనను ఫిరోజ్ దారుణంగా మోసం చేశాడని, మనస్పర్థలు వచ్చి తామిద్దరం విడిపోయామని చెప్పింది. ఆ తరువాత కీర్తితో ఫిరోజ్ పరిచయం పెంచుకున్నాడని, తన చేతులపై బ్లేడుతో కీర్తే గాట్లు పెట్టిందని చెబుతూ వాటిని మీడియాకు చూపింది. తనను గంటపాటు అర్ధనగ్నంగా రోడ్డుపై నిలబెట్టారని, తననుంచి లక్షన్నర విలువ చేసే వాచీ, రెండు సెల్ ఫోన్లను లాక్కెళ్లారని వాపోయింది. పోలీసులు ఇంతవరకూ వారిని అరెస్ట్ చేయలేదని, తన పలుకుబడితో పోలీసులను ఫిరోజ్ మేనేజ్ చేస్తున్నాడని ఆరోపించింది. ఇప్పటికీ తనను హత్య చేసేందుకు ప్రయత్నిస్తున్నారని చెబుతూ, ఫిరోజ్ కు, తనకు మధ్య జరిగిన ఫోన్ సంభాషణల రికార్డును వినిపించింది.