ఎయిర్‌ ఏసియా తాజా డిస్కౌంట్ ఆఫ‌ర్..

Posted: 06/12/2018 11:37 AM IST

Airasia offers up to 50 off on return flight tickets extends grand sale

ఛౌకధరల విమానయాన సంస్థగా పేరొంది విమానయానం ప్రియుల ప్రశంసలను అందుకుంటున్న ఎయిర్ ఏషియా విమానయాన సంస్థ తాజాగా దేశీయ విమానయాన ప్రయాణికులకు మరో అఫర్ ప్రకటించింది. దేశీయంగా విమానయానం చేస్తున్న ప్రయాణికులకు వివిధ రూట్లలో తిరుగు ప్రయాణంలో రాయితీని ప్రకటించింది. రౌండ్ ట్రిప్ బుక్ చేసుకున్న ప్రయాణికులు తిరుగు ప్రయాణంలో 50 శాతం రాయితీని అందిస్తున్నట్లు ఎయిర్‌ ఏసియా ప్రకటించింది.

అదే విధంగా అంతర్జాతీయ విమాన టికెట్లలో 'గ్రాండ్‌ సేల్‌' ఆఫర్‌ను కొనసాగిస్తున్నట్లు ఒక ప్రకటనలో తెలిపింది. ఈ రెండు ఆఫర్లు కూడా జూన్‌ 17 వరకు అందుబాటులో ఉంటాయని తెలిపింది. కాగా నవంబర్ 30 లోపు చేసే దేశీయ ప్రయాణాలకు ఆఫ‌ర్ వ‌ర్తిస్తుంది. అదే అంతర్జాతీయ ప్రయాణాలతే 2019 జనవరి 31 కల్లా చేసుకోవాల్సి ఉంటుంది. త‌క్కువ గ‌డువుతో రిలీజ్ చేసిన ఈ ఆఫర్‌ను ఈ సంస్థ‌ తాజాగా ఈ నెల 17వ తేదీ వరకు పొడిగించింది. దేశీయ రూట్లలో జూన్‌ 12 నుంచి 17 తేదీల్లో టికెట్లను బుక్‌ చేసుకోవడం ద్వారా రిటర్న్‌ జర్నీలో 50 శాతం రాయితీ అందిస్తుంది.

ఈ ప్రయాణాలు జూన్‌ 12 నుంచి నవంబర్‌ 30 మధ్య నిర్ణయించుకోవాలి. హైదరాబాద్‌, బెంగళూరు, కోల్‌కత్తా, ఢిల్లీ, రాంచీ రూట్లలోనూ ఈ ఆఫర్‌ వర్తిస్తుంది. ఇది వరకు ప్రకటించిన గ్రాండ్‌ సేల్‌ ఆఫర్లో జూన్‌ 10 కల్లా బుక్‌ చేసుకోవడం ద్వారా నవంబర్‌ 30 లోపు ప్రయాణాలను ఎంచుకోవాల్సి ఉంది. ఇప్పుడు బుకింగ్ గడువును, ప్ర‌యాణ కాల‌ప‌రిమితిని పొడిగించారు. అయితే అత్యల్పధరతో కౌలాలంపూర్ వెళ్లి రావాలనుకునే వారికి ఇది సువర్ణావకాశం. కేవలం రూ.3999లకే టిక్కెట్ ను ఎయిర్ ఏషియా అందిస్తుంది. ఇది కూడా కేవలం భువనేశ్వర్ నుంచి మాత్రమే.