ITEMVIDEOS: ఆచార్యా.. విద్యార్థితో తరగతి గదిలో ఇదేం పని..?

Posted: 12/22/2017 03:49 PM IST

భావితర పౌరులను సన్మార్గులుగా, ఉత్తమ విద్యార్థులుగా తీర్చి దిద్దాల్సిన ఉపాధ్యాయులే.. తమ బాధ్యతలను, విధులను మర్చిపోయి తరగతి గదిలో తమ విద్యార్థుల చేత బాడీ మసాజ్ చేసుకున్న ఘటన తాజాగా వెలుగుచూసింది. మధ్యప్రదేశ్‌లోని దామో జిల్లాలో ఓ ప్రభుత్వ ఉపాధ్యాయుడు విద్యార్థితో మసాజ్ చేయించుకుంటూ అడ్డంగా దొరికిపోయాడు. ఈ ఘటనకు సంబంధించిన వీడియో నెట్‌లో వైరల్ అయింది.

దీంతో ఉపాద్యాయుడి వైఖరిపై కన్నెర్న చేసిన విద్యాశాఖ ఈ ఘటనపై స్పందించింది. విద్యార్థి చేత మసాజ్ చేయించుకుంటున్న ఘటనపై సమగ్ర దర్యాప్తు చేపట్టాల్సిందిగా అధికారులను ఆదేశించింది. పూర్తి వివరాల్లోకి వెళితే మధ్యప్రదేశ్‌లోని దామో జిల్లాలోని ఓ ప్రభుత్వ పాఠశాలలో ఉపాధ్యాయుడు నేలపై పడుకుని, అతని వీపుపై విద్యార్థితో తొక్కించుకున్నాడు. తరగతి గదిలో విద్యార్థుల ముందే ఇలా చేశాడు.

#WATCH Madhya Pradesh: Teacher caught on camera getting a back massage from a student in a Govt school in Damoh's Madiyado pic.twitter.com/9Ghvo8poLC

— ANI (@ANI) December 22, 2017

ఈ వ్యవహారాన్నంతా ఎవరో వీడియో తీసి నెట్‌లో పెట్టారు. దీంతో ఈ మాస్టారు బాగోతం బట్టబయలైంది. సోషల్ మీడియాలో ఈ వీడియో విస్తృతంగా షేర్ చేయడంతో వ్యవహారం విద్యా శాఖ వరకూ వెళ్లింది. మధ్యప్రదేశ్ విద్యాశాఖా మంత్రి దీపక్ జోషి ఘటనపై స్పందించారు. జిల్లా విద్యాశాఖాధికారికి ఘటనపై దర్యాప్తు చేయాల్సిందిగా ఆదేశించారు. ఉపాధ్యాయుడిది తప్పని తేలితే సస్పెండ్ చేయాలని కూడా మంత్రి ఆదేశించారు.