ITEMVIDEOS: పట్టపగలు.. బిజీ రోడ్డు.. కాలేజీ విద్యార్థినిపై మగమృగాళ్లు..

Posted: 12/06/2017 10:37 AM IST

ఒడిశాలో దారుణం జరిగింది. మగవాడి తోడు లేనిదే గడపదాటకూడదు అంటూ వాదిస్తున్న వారి నాలుకలు తెగపడేలాంటి ఘటన ఇది. తన సహచర విద్యార్థితో కలసి వెళ్తున్న ఓ కాలేజీ విద్యార్థినిపై పట్టపగలు, రద్దీగా వున్న రోడ్డుపైనే ఎనమిది పైశాచిక మృగాళ్లు దాడి చేశాయి. జనసంచారం వున్నా తమకేమీ పట్టదన్నట్లు ఎనమిది మంది యువకులు పట్టపగలే నడిరోడ్డుపై కాలేజీ విద్యార్థినిపై లైంగిక వేధింపులకు పాల్పడ్డారు. అంతటితో అగకుండా ఇందుకు సంబంధించిన వీడియోలను కూడా చిత్రీకరించి దానిని సామాజిక మాద్యమంలో పెట్టారు.

ఇదికాస్తా విపరీతంగా వైరల్ కావడంతో.. అలస్యంగా విషయం వెలుగులోకి వచ్చింది. దీంతో రంగంలోకి దిగిన పోలీసులు మృగాళ్ల వేటలో పడి ఎనమిది మందిని అదుపులోకి తీసుకుని న్యాయస్థానంలో హజరుపర్చారు. ఈ ఘటన ఒడిశాలోని బర్గడ్‌ జిల్లాలో జరిగింది. పోలీసులు తెలిపిన వివరాల ప్రకారం.. ఒడిశాలోని బర్గడ్‌ జిల్లాలో కాలేజీ ముగిసిన తర్వాత అందరూ విద్యార్థులు తమ తమ ఇళ్లకు వెళ్తున్నారు. ఇంతలో కొందరు యువకులు ఓ విద్యార్థిని చుట్టూ చేరి అందరూ చూస్తుండగా వికృత చేష్టలతో లైంగిక వేధింపులకు పాల్పడ్డారు.

తనకు తెలియని వారు తనపై దారుణంగా వ్యవహరిస్తున్న ఘటనతో షాక్ కు గురైన విద్యార్థిని.. తేరుకుని అక్కడి నుంచి పారిపోయేందుకు కూడా యత్నించింది. ఇంతలో ఆ గ్రూపులోని మరికోందరు అమెను పట్టుకుని లైంగిక వేధింపులకు పాల్పడ్డారు. దీంతో తనను వదిలివేయాలని ఆ విద్యార్థిని వేడుకున్నా వాళ్లు పట్టించుకోలేదు. విద్యార్థినితో పాటు వెళ్తున్న ఓ సహచర విద్యార్థి అడ్డుకోబోగా అతడిపై దాడికి పాల్పడ్డారు. యువతిని వేధింపులకు గురిచేసే సమయంలో.. తమను గుర్తుపట్టకుండా ముఖాలకు స్కార్ఫ్ కట్టుకున్నారు.

అయితే దైవర కరుణించిందో.. లేక యువతి ధైర్యం పనిచేసిందో తెలియదు కానీ కొద్దిసేపటికి విద్యార్థిని పైశాచిక మృగాళ్ల నుంచి ఎలాగొలా తప్పించుకుని పారిపోయింది. ఈ ఘటనను ఆ గ్రూపులోని ఓ సభ్యుడే వీడియో తీసి సోషల్ మీడియాలో పోస్ట్ చేశాడు. అదికాస్తా వైరల్ కావడం.. దానికి తోడు అప్పటికే విద్యార్థిని తన తల్లిదండ్రులతో కలసి వచ్చి పోలీసులకు పిర్యాదు చేయడంతో రంగంలోకి దిగిన పోలీసులు ఎనమిది మంది యువకులను అరెస్టు చేసి కటకటాల వెనక్కి నెట్టారు. నిందితులపై కఠిన చర్యలు తీసుకుంటామని ఒడిశా డీజీపీ రాజేంద్ర ప్రసాద్ శర్మ తెలిపారు.