బార్ లో అమ్మాయిల అర్థనగ్న నృత్యాలు..

Posted: 11/27/2017 10:23 AM IST

Obscene danced in mulund bar cashier and manager held 15 bar girls rescued

దేశసర్వోన్నత న్యాయస్థానం సుప్రీంకోర్టు అదేశాలనుసారం అశ్లీలతకు తావులేకుండా బార్ లలో అమ్మాయిల నృత్యాలకు అనుమతిని ఇవ్వడంతో కొంతకాలం పాటు అంతా సవ్యంగా సాగుతున్న క్రమంలో మళ్లీ అశ్లీలత రాజ్యమేలుతుంది. బార్లలో అమ్మాయిల నృత్యాలకు అత్యున్నత న్యాయస్థానమే అనుమతిని మంజూరు చేసిన నేపథ్యంలో పోలీసులు బార్ నిర్వాహకులకు పలు అంక్షలు విధించారు.

దీంతో మొదట్లో అంక్షల మేరకే నడుచుకున్న బార్ నిర్వాహకులు.. తమ వైపు పోలీసులు దృష్టి సారించడం లేదని తెలియడంతో.. అశ్లీలతకు తెరలేపారు. దేశ అర్థిక రాజధాని ముంబైలోని ఓ బార్ లో అర్ధనగ్నంగా అమ్మాయిలు అశ్లీల నృత్యాలు చేస్తుండగా ప్రత్యేక పోలీసులు దాడి చేసి వారిని రెడ్ హ్యాండెడ్‌గా పట్టుకున్నారు. బార్ లో అశ్లీల నృత్యాలు చేస్తున్నారన్న పక్క సమాచారంతో దాడి చేసిన ముంబై స్పెషల్ టాస్క్ పోర్స్ పోలీసులు బార్ సిబ్బందితో పాటు 15 మంది అమ్మాయిలను అదుపులోకి తీసుకున్నారు.

కంజూర్ మార్గ్ పోలీసుస్టేషను పరిధిలోని ములంద్ ఎల్బీఎస్ రోడ్డుపై ఉన్న ప్రముఖ బార్ లో 15 మంది అమ్మాయిలు అశ్లీల నృత్యాలు చేస్తుండగా అదనపు పోలీసు కమిషనర్ లక్ష్మీగౌతం నేతృత్వంలోని పోలీసులు దాడి చేసి వారిని అదుపులోకి తీసుకున్నారు. ఆ తరువాత వారందరినీ కౌన్సిలింగ్ ఇచ్చి.. మహిళాసదనానికి తరలించారు. అండర్ వరల్డ్ గ్యాంగ్ సభ్యులు వచ్చే ఈ బార్‌లో యజమాని భరత్ ఠాకూర్, క్యాషియర్ వెంకటేష్ లపై పోలీసులు కేసు నమోదు చేశారు.