పరాయిదేశంలో భారతీయుడు పాడుపని చేసి...

Posted: 11/15/2017 12:20 PM IST

Philippines women filmed naked by colleague employee

పొట్ట చేత బట్టుకుని పరాయిదేశానికి వెళ్లినా.. తన పనేదో తాను చూసుకోకుండా చేయకూడని పాడు పనులు చేస్తూ.. దేశం పరువుతీస్తున్న వారి సంఖ్య ఈ మధ్యకాలంలో భారీగానే పెరుగుతుంది. తాజాగా భారత్‌కు చెందిన 21 ఏళ్ల యువకుడు యూనైటెడ్ అరబ్ ఏమిరేట్స్ లోని దుబాయ నగరంలో నీచమైన పనికి పాల్పడి ప్రస్తుతం కటకటాలు లెక్కిస్తున్నాడు. పొట్టకూటి కోసం వెళ్లి పాడు పనిచేస్తూ పట్టుబడి పడరాని పాట్లు పడుతూ.. కన్నవాళ్లకు కూడా కష్టాలను తెచ్చిపెట్టాడు.

ఇంతకీ భారతీయ యువకుడు చేసిన పాడుపని ఏంటంటే.. తాను పనిచేస్తున్న అదే కంపెనీలో తన సహోధ్యోగిగా పని చేస్తున్న మరో దేశానికి చెందిన మహిళను నగ్నంగా తన మొబైల్ ఫోన్ లో చిత్రీకరించాడు. కెమెరా పై లైటు పడి అది తన ముందున్న అద్దంలో ప్రతిభింభించడంతో యువకుడు ఈ పని చేయడాన్ని గమనించిన యువతి..షాక్ కు గురైంది. వెంటనే తేరుకుని సహోధ్యోగుల మద్దతుతో యువకుడ్ని పోలీసులు అప్పగించింది.

వివరాల్లోకి వెళ్తే.. ఫిలిప్పైన్స్ కు చెందిన ఓ 28 ఏళ్ల యువతి అఫీసు పనులు ముగించుకుని ఇంటికెళ్లేందుకు సమాయత్తం అవుతూ బయలుదేరే ముందు కంపెనీలోని వాస్ రూంకు వెళ్లింది. అదే కార్యాలయంలో కర్ల్క్ గా విధులు నిర్వహిస్తున్న భారతీయ యువకుడు దీనిని గమనించి... పక్కనే ఉన్న మరో రూం నుంచి యువతి వాష్ రూంలోకి తొంగిచూశాడు. తన వద్ద ఉన్న సెల్ ఫోన్ తో మహిళను నగ్నంగా చిత్రీకరించడం మొదలుపెట్టాడు.

వాస్ రూంలోని అద్దంపై సెల్ ఫోన్ ప్రతిబింబం మెరపడడంతో విషయాన్ని యువతి గమనించి..షాక్ కు గురైంది.. వెంటనే తేరుకుని నిందితుడిని తిట్టేసింది. ఏడ్చుకుంటూ విషయాన్ని తోటి సిబ్బందికి తెలిపింది. దీంతో కార్యాలయంలోని సహుద్యోగులందరూ కలసి అతడి వద్ద నుంచి సెల్ ఫోన్ తీసుకున్నారు. విషయాన్ని ఎవరికీ పంపించకుండా జాగ్రత్తపడ్డారు. అనంతరం వీడియోలను డిలీట్ చేశారు. అయితే గతంలో అదే కార్యాలయంలో మహిళా సిబ్బంది వీడియోలు కూడా తీసివుంటాడన్న అనుమానంతో పోలీసులకు ఫిర్యాదు చేశారు. ఈ కేసుపై కోర్టులో విచారణ జరుగుతోందని అల్ రఫా పోలీసులు తెలిపారు.