అసీస్ బస్సుపై ‘అభిమానం’ దాడి.. క్రికెటర్లు క్షేమం..

Posted: 10/11/2017 11:47 AM IST

India reassures aussies after stone thrown at cricket team bus

టీమిండియా క్రికెటర్ల అభిమానం హద్దులు దాటింది. మితిమీరిన అభిమానం క్రీడాస్పూర్తిని దెబ్బతీసేలా వుంది. ఆటలో గెలుపు ఓటములు సహజమని తెలిసిన తరువాత కూడా ఎప్పటికీ విజయాలనే అందుకోవాలన్న అకాంక్ష మంచిదే అయినా.. పలితం మారింది.. పరాజయం చవిచూశామని ప్రత్యర్థి జట్టుపై చేయకూడని పని చేసి.. యావత్ దేశం పరుపు తీసేందుకు పూనుకోవడం ఎంతవరకు సమంజసం. ఇదే విషయాన్ని అభిమానులు గ్రహించాలి. ఎందుకంటారా..?

అసలు విషయంలోకి వెళ్తే.. ఆసీస్‌ క్రికెట్ జట్టు బస్సుపై క్రితం రోజు రాత్రి దాడి జరిగింది. అదృష్టవశాత్తూ ఈ ప్రమాదంలో ఎవరూ గాయపడలేదు. అస్సోంటోని గువాహటిలో జరిగిన రెండో వన్డేలో అసీస్ జట్టు 8 వికెట్లతో ఘనవిజయాన్ని అందుకుని టీ20 సీరీస్ 1-1తో సమం చేసింది. అదే గెలుపు అనందాన్ని బస్సులోని జట్టు సభ్యులందరూ పంచుకుంటూ ఆసీస్‌ ఆటగాళ్లు హోటల్‌కు బయల్దేరి వెళ్తుండగా, ఇంతలో ఓ రాయి బస్సు అద్దానికి తగిలి.. ధ్వంసమయ్యింది.

దానిని తన మొబైల్ ఫోన్ తో ఫోటో తీసిన అసీస్ ఓపెనర్ అరోన్ ఫించ్ ఈ విషయాన్ని సామాజిక మాధ్యమంలో పోస్టు చేసి యావత్ ప్రపంచానికి తెలియజేశాడు. అయితే దీనిపై అసీస్ జట్టు తాత్కలిక కెప్టెన్ డేవిడ్ వార్నర్ రీట్విట్ చేయగా, గ్లెన్ మాక్స్ వెల్ లైక్ చేశాడు. కోహ్లీ సేన పరాజయాన్ని జీర్ణించుకోలేకపోయిన అభిమానులు ఈ దాడికి పాల్పడి ఉంటారని నిర్వాహకులు భావిస్తున్నారు. అనంతరం అప్రమత్తమైన అధికారులు భారీ బందోబస్తు మధ్య ఆటగాళ్లను హోటల్‌కు తరలించామని అసీస్ మేనేజ్ మెంట్ తెలిపింది.