ITEMVIDEOS: మీ పాన్ కార్డు యాక్టివ్ గా వుందా..? చెక్ చేసుకోండిలా..

Posted: 08/07/2017 10:14 AM IST

మీకు పాన్ కార్డు వుందా..? అయితే దానిని ఆధార్ కార్డుతో అనుసంధానం చేసుకున్నారా..? లేదా..? తక్షణం మీరు మీ పాన్ కార్డు యాక్టివ్ గా వుందా..? లేదా అన్న విషయాన్ని ముందుగా చూసుకోండి. ఎందుకంటే.. దేశవ్యాప్తంగా 11.44 లక్షల పాన్ కార్డులు పనికిరాకుండా (డీయాక్టివేట్) చేసేసింది కేంద్ర అర్థిక మంత్రిత్వశాఖ. ఈ నెల 31వ తేదీ లోపు ఆధార్ కార్డుతో అనుసంధానం చేసుకోవాలని ఇప్పటికే అదేశాలను జారీ చేసిన కేంద్ర అర్థిక శాఖ.. ఈ నేపథ్యంలో పలు అనుమానాస్పద పాన్ కార్డులను పనిచేయకుండా చేసేపింది. ఇందుోల భాగంగా సుమారు 11.44 లక్షల కార్డులు ఇక పనిరాకుండా పోగా.. మరికొన్నింటిని పూర్తిగా డిలీట్ చేసేసింది.

ఒకవేళ మీ కార్డు యాక్టివ్ గా ఉందో లేక డీయాక్టివ్ అయిందో తెలుసుకోవాలంటే, ఆదాయపు పన్ను విభాగం ఇ- ఫైల్లింగ్ వెబ్ సైట్‌ ను ఓపెన్ చేసి, 'Know Your Pan' అనే ఆప్షన్ పై క్లిక్‌ చేసి, వివరాలు సబ్ మిట్ చేస్తే, మీ ఫోన్ నంబరుకు ఓ వన్ టైమ్ పాస్ వర్డ్ వస్తుంది. దానిని ఎంటర్ చేసిన తరువాత, మీ పాన్ కార్డు డీ యాక్టివేట్ కాకుంటే ‘యాక్టివ్’ అన్న మెసేజ్ వస్తుంది. అది రాకుంటే, మీ పాన్ కార్డు డీయాక్టివేట్ అయినట్టు. ఒకవేళ డీ యాక్టివేట్ అయిన కార్డులను తిరిగి యాక్టివేట్ చేసుకునే విధానంపై కేంద్రం నుంచి ఇంకా స్పష్టత రాలేదు. వారు మరో కార్డు తీసుకోవాలా? లేక ఆధార్ అనుసంధానం చేసుకుంటే సరిపోతుందా? అన్న విషయాన్ని కేంద్రం స్పష్టం చేయాల్సి వుంది.