రాసలీలల్లో వుండగా.. బంధువులే పట్టుకుని..

Posted: 08/04/2017 04:26 PM IST

ఇంట్లో వున్న చికెన్ నచ్చదు కానీ పోరిగింటి పుల్ల కూర మాత్రం రుచిగా వుందని అనని మగవాడంటూ లేడని సినీ కవులు ఎన్నో సినిమాల్లో డైలాగుల రూపంలో చెప్పిన మాటలు ముమ్మాటికీ నిజమని స్పష్టం చేస్తుంది ఈ ఘటన. అతడు బాధ్యతగల ప్రభుత్వ ఉద్యోగి. అందులోనూ అనునిత్యం అప్రమత్తంగా మెలగాల్సిన జిల్లా కలెక్టర్‌ కార్యాలయంలో విధులు నిర్వర్తిస్తున్నందున అతను మరింత జాగ్రత్తగా, బాధ్యతగా మెలగాల్సి వుంది. కానీ జనగామ కలెక్టర్ అఫీసులో సినియర్ అసిస్టెంట్ గా విధులు నిర్వహిస్తున్న రాజనర్సింహ మాత్రం మరో మహిళతో అక్రమంగా వివాహేతర సంబంధం పెట్టుకున్నాడు.

తన భార్యా పిల్లలను కాదని మరో మహిళతో సంబంధం పెట్టుకోవడంతో అనోటా.. ఈ నోటా చివరకు విషయం భార్య చెవిన పడే వరకు చేరింది. అయితే అంతకు ముందే భర్త ప్రవర్తనపై అనుమానం కలిగిన భార్య ఈ విషయమై భర్తను అడిగింది. అలాంటిదేమీ లేదని చెప్పాడు. ఈ మధ్యలో వివాహేతర సంబంధం విషయం కూడా అమె చెవినపడటంతో భర్తను నిలదీసింది. ఫలితంగా పచ్చని సంసారంలో సమస్యలు మొదలయ్యాయి. అయితే ఈ విషయమై.. తాను ఎలాంటి తప్పు చేయడం లేదంటూ బుకాయిస్తూ రావడంతో భార్య తరపు బంధువులు కూడా అతడి మాటలను నమ్మారు.

కాగా తమ భిడ్డ మనోవేదనతో బాధపడటం భరించలేని అమె తండ్రి విషయాన్ని బంధువులకు తెలిపాడు. అయితే వారు అతడి అటకట్టించేందుకు ప్రణాళిక వేశారు. రాజనర్సింహ గుర్తుపట్టని నలుగురు యువకులు అతనికి తెలయకుండా అతన్ని ఫాలో అయ్యారు. అతని కదలికలపై అదే మార్గంలో వున్న మరికోందరు యువకులకు సమాచారం ఇచ్చారు. ఇలా మొత్తానికి రాజనర్సింహ్మ పరాయి మహిళతో ఏకంతంగా గడుపుతున్న సమయంలో రెడ్‌ హ్యాండెడ్‌గాపట్టుకున్న బంధువులు పోలీసులకు అప్పగించారు. ఈ సంఘటన జనగామ జిల్లాలో చోటు చేసుకుంది.