ITEMVIDEOS: యువతులను వేధించిన పోకిరీలకు అరదండాలు..

Posted: 08/01/2017 02:30 PM IST

పట్టపగలు.. నడిరోడ్డుపై యువతులు వెళుతున్న ఆటోను అటకాయించి.. అడ్డుకోబోయిన డ్రైవర్ ను హెచ్చరికలు జారీ చేసి.. అటోలోని యువతులను వేధించిన ముగ్గురు అకతాయితీలకు అరదండాలు వేశారు పోలీసులు. రంగారెడ్డి జిల్లా మైలార్ దేవ్ పల్లిలో జరిగిన ఈ ఘటన పట్టపగలే యువతులకు హైదరాబాద్ నగరంలో రక్షణ కరువైందన్న సంకేతాలను ఇవ్వడంతో తీవ్ర కలకలం సృష్టించింది. దీంతో రంగంలోకి దిగిన పోలీసులు అకతాయిలీను పట్టుకుని కటకటాల వెనక్కి నెట్టారు.

వివరాల్లోకి వెళ్తే.. క్రితం రోజు సాయంత్రం జైరా, బాను అనే ఇద్దరు యువతులు షాపింగ్ కోసం ఆటోలో బయలుదేరారు. ఇది గమనించిన అరుగురు అకతాయిలు వారిని వెంబడించారు. అటో మైలార్ దేవ్ పల్లి నుంచి అబిడ్స్ చేరుకునే సమయంలో రోడ్డు పక్కన అటోను నిలిపివేశారు. అడ్డుకోబోయిన అటోడ్రైవర్ ను బెదిరింపులకు గురి చేసి అక్కడి నుంచి పంపించివేశారు. అటోలోని ఇద్దరు యువతులతో ఆకతాయిలు అసభ్యంగా ప్రవర్తించారు. ఏకంగా జైరా అనే యువతిని అటోలోంచి బయటకు దాడి చేసేందుకు యత్నించారు. అయినా అమె ధైర్యంగా ప్రతిఘటించింది.

ఆకతాయిల్లో ఒకతను తనను పెళ్లి చేసుకోవాలని బలవంతపెడుతూ ఈ దుశ్చర్యకు ఒడిగట్టినట్టు తెలుస్తోంది. అమ్మాయికి తెలిసిన ఆకతాయే ఇలా ప్రవర్తించినట్టు సమాచారం. ఈ లోగా అకతాయిలతో అటోలోని అమ్మాయిలు ధైర్యంగానే ఎదుర్కోని పెద్దగా కేకలు వేస్తూ.. అరుస్తున్నడంతో అక్కడ జనం గుమ్మిగూడటాన్ని గమనించిన అకతాయిలు తమపై స్థానికులు దాడి చేస్తారనుకుని పారిపోయారని పోలీసులు తెలిపారు. అయితే ఈ ఘటనను తన సెల్‌ఫోన్‌లో చిత్రీకరించిన బాధిత యువతి మైలార్‌ దేవ్‌పల్లి పోలీసు స్టేషన్‌లో ఫిర్యాదు చేసింది. దీంతో రంగంలోకి దిగిన పోలీసులు ముగ్గురు అకతాయిలు అరెస్టు చేసి కేసు దర్యాప్తు చేస్తున్నారు.