హైకోర్టులో తెలంగాణ ప్రభుత్వానికి ఊరట..

Posted: 06/28/2017 02:39 PM IST

High court squashes ngt notices on palamuru lift irrigation

తెలంగాణ ప్రబుత్వానికి రాష్ట్రోన్నత న్యాయస్థానం హైకోర్టులో ఊరట లభించింది. పాలమూరు-రంగారెడ్డి ఎత్తిపోతల ప్రాజెక్టు నిర్మాణంపై నేషనల్ గ్రీన్ ట్రిబ్యూనల్ జారీ చేసిన నోటీసులను న్యాయస్థానం కొట్టివేసింది. ప్రాజెక్టును, పనులను పరిశీలించాలని కమిటీని ఏర్పాటు చేసింది. అప్పటి వరకు పాలమూరు-రంగారెడ్డి ప్రాజెక్టు పనులను నిలిపివేయాలని జాతీయ గ్రీన్ ట్రిబ్యూనల్ జుడీష్యరీ సభ్యుడు నోటీసులు జారీ చేశారు. దీంతో ఈ నోటీసులపై తెలంగాణ ప్రభుత్వం హైకోర్టును అశ్రయించింది.

తెలంగాణ ప్రభుత్వం పిటీషన్ పై ఇవాళ విచారించిన న్యాయస్థానం నేషనల్ గ్రీన్ ట్రిబ్యూనల్ జుడీషియల్ సభ్యుడు ఇచ్చిన నోటీసులను న్యాయస్థానం కోట్టివేసింది. ఆ నోటీసలు చెల్లవని పేర్కోంది. తెలంగాణ ప్రభుత్వం తరుపున రాష్ట్ర అడిషనల్ అడ్వకేట్ జనరల్ హైకోర్టులో వాదనలు వినిపించారు. దీంతో న్యాయస్థానంలో తెలంగాణ ప్రభుత్వానికి ఊరట లభించింది. కాగా త్వరలో పాలమూరు-రంగారెడ్డి ఎత్తిపోతల పథకం పనులు పున:ప్రారంభం కానున్నాయి.

ఇక మరో కేసులో తెలంగాణ ప్రభుత్వానికి హైకోర్టులో చుక్కదెరైంది. ఆంధ్రప్రదేశ్ ఎన్జీవో భవనం అంశంలో తెలంగాణ ప్రభుత్వానికి ఎదురుదెబ్బ తగిలింది ఎపీఎన్జీవో భవనాన్ని తమకు అప్పగించాలంటూ తెలంగాణ ప్రభుత్వం జారీ చేసిన ఉత్తర్వులను హైకోర్టు నిలిపివేసింది. ఉత్తర్వులపై 8 వారాల పాటు స్టే ఇస్తూ మధ్యంతర ఉత్తర్వులు జారీచేసింది. దీనిపై కౌంటర్‌ దాఖలు చేయాలని తెలంగాణ ప్రభుత్వం, హైదరాబాద్‌ జిల్లా కలెక్టర్‌, ఆర్డీవోలకు హైకోర్టు నోటీసులు ఇచ్చింది.