బారాత్ లో మంత్రి ఓవరాక్షన్

Posted: 05/31/2017 10:42 AM IST

కెమెరా కళ్లు తమపై ఉన్నాయని తెలిసి కూడా నేతలు తప్పుల మీద తప్పులు చేస్తూ దొరికిపోతున్నారు. ముఖ్యంగా అధికార పక్షం బీజేపీ నేతలే ఈ లిస్ట్ లో ఎక్కువగా ఉంటున్నారు. తాజాగా మధ్యప్రదేశ్ కు చెందిన ఓ మంత్రి చేసిన నిర్వాకం పై తీవ్ర విమర్శలు వినిపిస్తున్నాయి.

పౌరసరఫరాల శాఖామంత్రి ఓం ప్రకాశ్ ధ్రువే పిల్లాడిని చితకబాదిన వీడియో ఒకటి నెట్ లో వైరల్ అవుతోంది. ఓ పెళ్లి కి హాజరైన మంత్రి ప్రకాశ్, బారాత్ లో చిందేయసాగాడు. ఇంతలో కొందరు కార్యకర్తలు నోట్ల వర్షం కురిపించటంతో ఏరుకునేందుకు చిన్న పిల్లలు ఎగబడ్డారు. అయితే తాను డాన్స్ చేస్తుంటే అడ్డు వస్తారా? అని ఆగ్రహాం వ్యక్తం చేస్తూ మంత్రి ఓ పిల్లాడిని పట్టుకుని కొట్టసాగాడు. ఆపై మిగతావారిని ఎటు పడితే అటు వారిని విసేరిస్తూ ఇష్టం వచ్చినట్లు బాదటంతో పలువురికి తీవ్ర గాయాలయ్యాయి.

ఈ ఘటన శివరాజ్‌సింగ్ ప్రభుత్వానికి తలనొప్పి తెచ్చిపెట్టింది. ఆ వీడియో ఆన్‌లైన్‌లో వైరల్ కావడంతో నెటిజన్లు ఆయనపై దుమ్మెత్తి పోస్తున్నారు. ఇక ఈ మంత్రిగారికి ఇలా వ్యవహరించడం కొత్తేంకాదు. ఈ మధ్యే ఓ గ్రామంలో అధికారిక కార్యక్రమానికి హాజరైన ప్రకాశ్, ప్రభుత్వ అధికారులపై బహిరంగంగానే దుర్భాషలాడాడు.