ప్రియుడితో శృంగారం కోసం టీవీ నటి ఏం చేసిందో తెలుసా..?

Posted: 05/30/2017 04:17 PM IST

Tv actress held for murdering husband with help of her lover

ప్రియుడితో శృంగారం కోసం టీవీ నటి ఏం చేసిందో తెలుసా..? ఏకంగా తన భర్తతో పాటు తన ఇద్దరు పిల్లల కళ్లు గప్పి రహస్యంగా జల్సా తిరుగుళ్లు తిరిగిన బుల్లితెర నటి.. భర్తను కడతేర్చి పరలోకాలకు పంపింది. అయితే తన భర్తను ఎవరో అగంతకులు వచ్చి దారుణంగా కొట్టి హతమార్చారని కపట నాటకాన్ని అడింది. టీవీ సీరియళ్లకు ఏమాత్రం తీసిపోని కథను పక్కా ప్రణాళికతో రచించింది. అయితే పోలీసుల మార్కు విచారణతో నిజం తన్నుకుని భయటకు వచ్చింది. దీంతో నటితో పాటు అమె ప్రియుడ్ని కూడా పోలీసులు అదుపులోకి తీసుకున్నారు. పెద్దలు అనాలోచితంగా చేసిన తప్పులకు పిల్లలు కూడా శిక్ష అనుభవించాల్సి వస్తుందని ఈ ఘటన రుజువుచేస్తుంది. తండ్రి మరణించగా, తల్లి జైలు పాలు కావడంతో అమె ఇద్దరి పిల్లలు అనాధయ్యారు.

యశ్వంతపుర పోలీసుల తెలిపిన వివరాల ప్రకారం.. ఒక ప్రైవేట్‌ సెక్యూరిటీ ఏజెన్సీలో సూపర్‌వైజర్ గా విధులు నిర్వహిస్తున్న తుమకూరు నగరానికి చెందిన సతీష్‌ (36)తో కల్పనకు ఏడేళ్ల క్రితం వివాహం జరిగింది. అయితే ఎప్పడు కలల ప్రపంచలో విహరించే కల్పన.. టీవీ సీరియళ్లలో నటిస్తానని భర్తను అడిగింది. అయితే తొలుత ససేమిరా అన్న భర్త.. చివరకు అమె పోరు పడలేక ఎట్టకేలకు సరేనని అంగీకరించాడు. దీంతో బుల్లితెరపై నటనతో ప్రజలు అమెను గుర్తుపట్టే స్థాయిని తెచచుకుంది కల్పన. అయితే అక్కడ అమెకు జావెద్ అనే 27 సహచరుడు పరిచయమయ్యాడు. ఆ పరిచయం కాస్తా వివాహేతర సంబంధానికి దారితీసింది.

విషయం అనోటా, ఈ నోటా తెలుసుకున్న సతీష్ అమెను తన పరిధిలో వుండాలని హెచ్చరించాడు. అవసరమైతే నటనకు కూడా గుడ్ బై చెప్పాలని సూచించాడు. తమ ఇద్దరు పిల్లలను చూసుకుంటూ ఇంట్లోనే ఉండాలని చెప్పాడు. ఇలా అప్పుడప్పుడు చేసే హెచ్చరికలు కాస్తా.. క్రమంగా నిత్యంగా మారాయి. దీంతో తన అక్రమసంబంధానికి భర్త అడ్డువస్తున్నాడని భావించిన కల్పన తన ప్రియుడితో కలసి అతడ్ని చంపాలనుకుంది. పథకం వేసింది. ఇక అమలు చేయడానికి కూడా సిద్దమైంది.

ఈ నెల 25వ తేదిన రాత్రి భోజనంలో నిద్రమాత్రలు కలిపి ఇచ్చింది. బోజనం చేసిన వెంటనే సతీష్‌ మత్తులోకి జారుకున్నాడు. దీంతో ప్రియుడు జావెద్ ను యశ్వంతపురలోని సుబేదార్‌ పాళ్యలో గత తమ నివాసానికి రమ్మని పిలిచింది. అంతే అక్కడకు రాగానే సుత్తితో అతని తలపై ఇద్దరు బాగా మోదీ హత్య చేశారు. ప్రియుడ్ని ఇంటి నుంచి పంపిన తరువాత తన భర్తను ఎవరో వచ్చి హత్య చేశారని నాటకానికి తెరలేపింది. కల్పన తీరుపై అనుమానం వచ్చిన పోలీసులు అమెను అదుపులోకి తీసుకుని తమదైన స్టైల్ లో విచారణ జరుపగా, అసలు విషయం బయటపెట్టింది. దీంతో అమెతో పాటు ప్రియుడు జావెద్ ను కూడా అరెస్టు చేసిన పోలీసులు రిమాండ్ కు తరలించారు.