విచిత్ర తీర్పు.. కరిచిందని శునకానికి మరణదండన

Posted: 05/17/2017 12:40 PM IST

పాకిస్థాన్ లో ఓ శునకం రోజులు లెక్కబెట్టుకుంటుంది. ఏకంగా ఓ కుక్కకు మరణ దండన విధించిన విచిత్ర ఘటన పాకిస్థాన్ లో చోటుచేసుకుంది. యావత్ ప్రపంచాన్ని విస్మయానికి గురి చేస్తూనే.. నవ్వులు పూయిస్తున్న ఈ ఘటనను అ దేశానికి చెందిన జియో టీవీ ప్రముఖంగా ప్రసారం చేసింది. ఈ ఘటన పాకిస్థాన్ లోని పంజాబ్ రాష్ట్రంలో గల భక్కర్ రోలార్ ప్రాంతంలో చోటుచేసుకుంది. ఓ బాలుడిని తీవ్రంగా గాయపరిచిందన్న ఆరోపణలపై అసిస్టెంట్ కమిషనర్ రాజా సలీం ఓ కుక్కకు మరణదండన విధించారు.

ఈ మేరకు అసిస్టెంట్ కమిషనర్ రాజా సలీం ఆదేశాలను జారీ చేస్తూ, బాధిత బాలుడు తీవ్రంగా గాయపడినందున దోషి అయిన శునకానికి మరణశిక్ష విధిస్తున్నట్టు తెలిపారు. మానవత్వా దృక్పథంతోనే తాను ఈ అదేశాలను జారీ చేశానని, చెప్పిన ఆయన అధికారులు ఆ శునకానికి సంబంధించిన రిజిస్ట్రేషన్ వివరాలను సక్రమంగా పరిశీలించి ఆనక మరణదండణ విధించాల్సిందిగా అదేశించారు. కాగా అసిస్టెంట్ కమీషనర్ రాజా సలీం అదేశాలపై శునకం యజమాని జమీల్ ఆవేదన వ్యక్తం చేశారు.

అయితే రాజా సలీం అదేశాలను ఆయన సవాల్ చేస్తూ సివిల్ కోర్టును ఆశ్రయించిన శునక యజమాని.. తన పెంపుడు జంతువును బాలుడ్ని కరిచిందన్న అరోపణలపై దానిని గత వారం రోజులుగా జైలులోనే వుంచారని, అది చాలదన్నట్లు ఇప్పుడు తాజాగా దానికి మరణ దంఢన విధించడం సబబు కాదని వాదిస్తున్నారు. తమ శునకాన్ని శాశ్వతంగా దూరం చేయడం తగదని అయన సివిల్ కోర్టులో దాఖలు చేసిన అపీలులో పేర్కోన్నారు. తన శునకాన్ని దక్కించుకోవడం కోసం తాను ఎన్ని న్యాయస్థానాలకైనా వెళ్తానని శునక యజమాని జమీల్ అన్నారు.