బాబు సర్కారును భర్తరఫ్ చేయాల్సిందేనా..!

Posted: 05/17/2017 01:18 PM IST

ఆంద్రప్రదేశ్ లోని చంద్రబాబు ప్రభుత్వాన్ని తక్షణం భర్తరఫ్ చేయాలని సుప్రీంకోర్టు మాజీ న్యాయమూర్తి మార్కండేయ కట్జూ డిమాండ్ చేశారు. ఈ మేరకు ఆయన తన ట్విట్టర్ ద్వారా రాష్ట్రపతి ప్రణబ్ ముఖర్జీతో పాటు ప్రధానమంత్రి కార్యాలయానికి కూడా అపీలు చేశారు. ఆంద్రప్రదేశ్ లో అప్రజాస్వామిక పాలన సాగుతుందని, ప్రభుత్వాన్ని విమర్శించిన కార్టూనిస్టులపై కేసులు బనాయించి కటకటాల వెనక్కి పంపుతున్నారని ఆయన ఆగ్రహం వ్యక్తం చేశారు. పొలిటికల్‌ పంచ్‌ అడ్మిన్‌ రవికిరణ్‌ అరెస్ట్‌ను ఆయన తీవ్రంగా ఖండించారు. సోషల్‌ మీడియా స్వచ్ఛంద కార్యకర్తల అరెస్ట్‌ రాజ్యాంగ విరుద్ధమని అభిప్రాయపడ్డారు. కార్టూన్లు అనేవి భావ స్వేచ్ఛ ప్రకటనలో ఓ భాగమని కట్జూ  అన్నారు.
 
ప్రజాస్వామ్యంలో ప్రభుత్వాన్ని విమర్శించే హక్కు పౌరులకు ఉందని ఆయన అన్నారు. ఆర్టికల్ 19 (1) ఏ కింద ప్రతి పౌరుడికి రాజ్యాంగం ఇచ్చిన హక్కు అని అన్నారు. ప్రజాస్వామ్య విధానంలో రాజకీయవేత్తలను విమర్శించే హక్కు ప్రజలకు ఉందని, ఇక్కడ ప్రజలే ప్రభువులని కట్జూ పేర్కొన్నారు. ఆంధ్రప్రదేశ్ ప్రభుత్వం తీరు అనాగరికం, అప్రజాస్వామికమని, ఏపీ ప్రభుత్వాన్ని వెంటనే డిస్మిస్‌ చేయాలని ఆయన డిమాండ్‌ చేశారు. చంద్రబాబు సర్కార్‌పై ఆర్టికల్‌ 356 ప్రయోగించాలని అని కట్జూ వ్యాఖ్యానించారు. ఈ వ్యవహారంపై రాష్ట్రపతి, ప్రధానమంత్రికి ఆయన లేఖ రాశారు.

I appeal to @RashtrapatiBhvn @PMOIndia to dismiss the @ncbn govt over the unconstitutional arrest of cartoonist Ravi Kiran under Article 356 pic.twitter.com/6Sc2RZxe5S

— Markandey Katju (@mkatju) May 16, 2017

These arrests are unconstitutional, autocratic, and undemocratic. In a democracy, people have the Right to Criticize politicians. https://t.co/SwJqt10nh4

— Markandey Katju (@mkatju) May 17, 2017