ITEMVIDEOS: ‘‘ఓరేయ్ దమ్ముంటే ఆగరా..’’ బెకిస్ట్ ను టార్గెట్ చేసిన పాము

Posted: 04/19/2017 09:32 PM IST

సోషల్ మీడియాలో ట్రెండింగ్ అయ్యే ప్రతి వీడియో లేదా వార్త వెనుక మంచి కారణాలు వుంటాయి. తాజాగా సామాజిక మాద్యమంలో ట్రెండింగ్ అవుతున్న వీడియో ఏంటో తెలుసా.? నిజమండీ యూట్యూబ్‌లో ఓ వీడియో ఇప్పుడు తెగ ట్రెండింగ్‌ అవుతోంది. ఇంతకీ అ వీడియో ఏంటంటారూ..? అని అడుగుతున్నారా..? బైక్ పై వేగంగా వెళుతున్న ఓ యువకుడిని పలుకరించడే కాదు.. ఓరేయ్ దమ్ముంటే ఆగరా.. అంటూ సవాల్ విసురుతున్న వీడియో ఇది. అనుకోని అతిథి ఎవరై వుంటారు..? మనిషి మాత్రం కాదు.. మరైతే ఎందుకు పలకించబోయాడు.. అంటే ప్రాణభయంతో.. నిజమండీ.. ప్రాణమీదకు వస్తే ఎవరితోనైనా సవాల్ విసరడానికి రెడీ అన్నట్లు ఆ జీవి కూడా బైకిస్టు పైకి ఎగిరేందుకు ప్రయత్నం చేసి విఫలమయ్యింది. ఇంతకీ అతిధి ఎవరని అడుగుతున్నారా.. ఇంకెవరండీ శివుడి కంఠాభరణం.. పాము. ఈ నెల (ఏప్రిల్‌) 16న థాయిలాండ్‌లోని లాంపాంగ్‌ రోడ్డులో పట్టపగలు ఓ వ్యక్తి బైక్‌ వేసుకొని వేగంగా వెళుతున్నాడు. అతడి వెనుకాలే ఓ కారులో కొంతమంది వస్తున్నారు.

వారు సరదాగా రోడ్డు వెంట వీడియోలు తీస్తూ డ్రైవ్‌ చేస్తున్నారు. అంతలో తమ కారును దాటేసి ముందుకెళ్లిన బైక్‌పై వారి దృష్టిపడి ఆ బైకిస్టును వీడియో తీయడం మొదలుపెట్టారు. ఈలోగా అక్కడ ఏదో అనూహ్య సంఘటన జరగబోతున్నట్లు వారికి అనిపించింది. ఎందుకంటే రోడ్డుపక్కనే ఉన్న చెట్లల్లో నుంచి ఓ పెద్ద పాము రోడ్డు దాటడం ప్రారంభించింది. సరిగ్గా అది వచ్చే సమయానికి బైకిస్టు కూడా వెళ్లాడు. దీంతో భయంతో ఆ పాము కాస్త ఎక్కడ బైక్‌ కింద పడతానో అని ఎగిరి దూకింది.

ఆ సన్నివేశం ఎలా కనిపించిందంటే ఓరేయ్ నీకు దమ్ముంటే అగరా.. అని పాము బైకిస్టుకు సవాల్ విసురుతున్నట్లగా వుంది. అదృష్టవశాత్తు అతడు బైక్‌ వేగం పెంచడంతో పాముకు అందకుండా పోయాడు. వాస్తవానికి అది భయంకరమైన విష సర్పం. ఈ దృశ్యం అంతా కారులో వెళుతున్న వారి కెమెరాకి చిక్కింది. వారు ఆ వీడియోను రెండు రోజుల క్రిత‌మే యూ ట్యూబ్‌లో పెట్టారు. ఆ వీడియోను ఇప్ప‌టివ‌ర‌కు 23 ల‌క్ష‌ల మందికి పైగా చూశారు. దీంతో ఆ వీడియో యూట్యూబ్‌ ట్రెండింగ్‌లో నిలిచింది. ఈ వీడియోను ఇప్పటికే దాదాపు 26 లక్షలమంది వీక్షించారు. మరెందుకు అలస్యం.. మీరూ చూడండీ.