ITEMVIDEOS:ఆమెకు అసలు మానవత్వం ఉందా?

Posted: 04/01/2017 08:22 AM IST

కువైట్ లో జరిగిన ఓ ఘటన పై అధికారులు చాలా సీరియస్ గా ఉన్నారు. తన ఇంట్లో పని చేసే ఇథియోపియన్ పని మనిషి ప్రాణాలు పోతున్నా పట్టించుకోకుండా వీడియో తీసి ఆనందించిన యజమానిపై చర్యలు తీసుకునేందుకు సిద్ధమైపోయారు. తనను కాపాడాలంటూ అరుస్తున్నా పట్టించుకోకుండా పైశాచిక ఆనందం పొందిన ఆమెపై తీవ్ర విమర్శలు వినిపిస్తున్నాయి. ఇంతకీ ఏం జరిగిందంటే...

కువైట్ లో ఓ ఇంట్లో ఇథియోపియాకు చెందిన ఓ వితంతు మహిళ పని చేస్తోంది. తీవ్ర కష్టాల్లో ఉన్న ఆమె ఒకరోజు ఆత్మహత్యాయత్నం చేసింది. ఏడో అంతస్తు ఎక్కి దూకేసింది. అయితే చివరి నిమిషంలో జీవితం మీద ఆశపుట్టిందేమో వేలాడుతూ తన ప్రాణాలు కాపాడాలంటూ కేకలు వేసింది. అదంతా అక్కడే ఉండి చూస్తున్న యాజమానురాలు ఆమెను అడ్డుకునే యత్నం చేయలేదు సరికదా, వీడియో తీస్తూ ఆనందించింది. ఇక బాల్కనీలో వేలాడుతున్న ఆ పనిమనిషి తనను కాపాలని ప్రాధేయపడింది.

1/ Shocking vid of Ethiopian domestic worker screaming 4 help just before falling 7floors down. Her female Kuwaiti employer simply films her pic.twitter.com/4byHSKVoNa

— Jenan Moussa (@jenanmoussa) March 31, 2017

కానీ, యజమానురాలు పట్టించుకోలేదు. ఇంతలో ఆమె అక్కడి నుంచి పట్టుతప్పి కళ్లముందే కిందపడిపోయింది. దీనిని వీడియో తీసి సోషల్ మీడియాలో అప్ లోడ్ చేసింది. అయితే ఆమె చనిపోయిందన్న వార్తలు తొలుత ప్రసారం కాగా, గాయాలపాలైన ఆమెను కాపాడి ఆసుపత్రిలో చేర్పించిన మరో వీడియో తర్వాత విడుదలైంది. మానవత్వం లేకుండా వ్యవహరించిన మహిళపై పలువురు ఆగ్రహాం వ్యక్తం చేశారు. తమ దగ్గర పని చేసేవారి సంరక్షణ యజమానుల బాధ్యతేనని పేర్కొన్న మానవ హక్కుల సంఘం ఆమెను అరెస్ట్ చేసి దర్యాప్తు చేయాల్సిందిగా పోలీసులకు ఆదేశించింది కూడా.

 

4/ Here is a video of the Ethiopian lady after the fall. There are reports that the employer is under investigation. pic.twitter.com/tQ0ZMJeN0g

— Jenan Moussa (@jenanmoussa) March 31, 2017