పవన్ కల్యాన్ బంగారు ముద్దుగుమ్మ అందాల ప్రదర్శన

Posted: 03/05/2017 02:14 PM IST

పవర్ స్టార్ పవన్ కళ్యాణ్ సరసన ‘బంగారం’ సినిమాలో కనిపించిన మీరా చోప్రాకు తెలుగులో పెద్దగా అవకాశాలు రాలేదు. కెరీర్ తొలినాళ్ళల్లోనే పవన్ లాంటి స్టార్ హీరో పక్కన వచ్చినా, బాక్సాఫీస్ వద్ద అది కాస్త విఫలం కావడం, ‘వాన’ వంటి ఒకటి, రెండు సినిమాలలో అద్భుతంగా కనిపించినప్పటికీ, అవి కూడా ప్రేక్షకుల దగ్గరికి చేరువ కాలేకపోవడంతో కోలీవుడ్ కే పరిమితమైంది. తెలుగులో కంటే కోలీవుడ్ లో కాస్త ఎక్కువ సినిమాలలోనే కనిపించిన మీరా, డబ్బింగ్ రూపంలో మాత్రం టాలీవుడ్ సిల్వర్ స్క్రీన్ పై అప్పుడప్పుడూ మెరుస్తుండేది.

ఇటీవల కాలంలో నవతారామణుల ఎంట్రీతో కోలీవుడ్ లో కూడా అవకాశాలకు ‘ది ఎండ్’ కార్డ్ పడడంతో, ప్రస్తుతం కనిపించడమే గగనమైపోయింది. అయితే తాజాగా టైమ్స్ ఫుడ్ అవార్డ్స్ సందర్భంగా తళుక్కుమన్న ఈ ముద్దుగుమ్మ, తన సౌందర్యాలను ప్రదర్శిస్తూ కెమెరాలకు చిక్కింది. ఇప్పటివరకు తానూ నటించిన సినిమాలలో కూడా ఈ స్థాయిలో అందాల ప్రదర్శన చేసిందో లేదో కూడా సందేహమే గానీ, ఈ ఫుడ్ అవార్డ్స్ లో మాత్రం వీక్షకులకు కావల్సినంత ఆకలి తీర్చినట్లుగా కనపడుతోంది.

మరి ప్రస్తుతం ఎన్ని అందాల ప్రదర్శనలు చేసినా అవకాశాలు వస్తాయనుకుంటే మాత్రం ఆశాభంగం కాక తప్పదేమో అన్న భావన ట్రేడ్ వర్గాల్లో వ్యక్తమవుతోంది. కొత్త హీరోయిన్ల రంగ ప్రవేశంతో ప్రేక్షకులు కూడా ఎప్పటికప్పుడు ఫ్రెష్ ఫేస్ లను చూడడానికే సుముఖత వ్యక్తపరుస్తున్న నేపధ్యంలో మీరా చోప్రాకు మళ్ళీ దర్శకనిర్మాతలు అవకాశాలు ఇస్తారా? అన్నది వేచిచూడాలి. బహుశా ఇవే కాస్ట్యూమ్స్ ఓ దశాబ్దం క్రింద ధరించినట్లయితే, మీరా కాస్ట్యూమ్స్ కు కొన్ని సినీ అవకాశాలు నడుచుకుంటూ వచ్చేవి.