ITEMVIDEOS: మొబైల్ షాపులో తల్లి కూతుళ్లు రచ్చ రంబోలా..

Posted: 02/22/2017 04:11 PM IST

తాము కొనుగోలు చేసిన మొబైల్ ఫోన్ తో సమస్యలను ఎదుర్కుంటున్నందున దానిని మరో కొత్త ఫోన్ తో రీప్లేస్ చేయాలని డిమాండ్ చేయడంతో పాటు దుకాణం సిబ్బంది చెబుతున్న వివరాలను వినకుండా వారిపై దాడికి పాల్పడుతూ.. దుకాణంలో వస్తువులను ధ్వంసం చేసి రచ్చ రంబోలా చేసిన తల్లికూతళ్లపై పోలీసుల కేసు నమోదు చేశారు. దేశరాజధాని ఢిల్లీలో పశ్చిమ డిళ్లీ రాజౌరీ గార్డెన్ ప్రాంతానికి చెందిన ఈ ఘటనకు పూర్తిగా దుకాణంలోని సిసీటీవీ ఫూటేజీలో నిక్షిప్తమయ్యింది.

వివరాల్లోకి వెళ్తే.. ఈ నెల ఇరవైన సాయంత్రం నాలుగు గంటల ప్రాంతంలో ఓ తల్లి తన ఇద్దరు కూతుళ్లతో పాటు దుకాణంలోకి వచ్చారు. వాళ్లు దాదాపుగా ఐదు నెలల క్రితం తమ వద్ద కొనుగోలు చేసిన సామ్ సంగ్ ఫోన్ తో తరుచూ ఇబ్బందులు ఎదర్కోంటున్నామని సిబ్బందికి చెప్పారు. వెంటనే దానిని కొత్త సామ్ సంగ్ మొబైల్ ఫోన్ తో మార్పు చేసి ఇవ్వాలని డిమాండ్ చేశారు. కాగా సిబ్బంది ఇది సర్విస్ సెంటర్ కాదని, చెబుతున్న వినకుండా దుకాణంలో రాక్ లను కిందపడేశారు. అంతటితో అగకుండా సిబ్బందిపై దాడికి కూడా పాల్పడ్డారు.

ఈ ఘటనపై దుకాణాదారుడు విరాట్ కోహ్లీ వివరణ ఇస్తూ వారు కొనుగోలు చేసిన ఫోన్ కు ఇన్సూరెన్స్ కూడా వుందని, దానిని సర్విస్ సెంటర్ లో ఇస్తే వారు రీప్లేస్ చేయడమో లేక రిపేర్ చేయడమో చేస్తారని తమ సిబ్బంది చెబుతున్న వినకుండా దుకాణంలోని సామాగ్రిని ధ్వంసం చేశారని అరోపించారు. తన పవిత్రమైన అనే టర్బన్ ను లాగి దుర్బాషలాడినా తాను వారిని మాత్రం ఏమీ అనలేదని అన్నారు. కాగా ఈ ఘటనపై పోలీసులు తల్లి ఇద్దరు కూతుళ్లపై పలు సెక్షన్ల కింద కేసులు నమోదు చేశారు.