తల్లిదండ్రులను విస్మరిస్తే.. జీతం డబ్బులో కొత

Posted: 02/08/2017 06:44 PM IST

తమ కంటి పాపలా పిల్లల్ని పెంచి పెద్ద చేసి, విద్యాబుద్దలు నేర్పించి ప్రయోజకుల్ని చేసి.. సభ్య సమాజంలో వారికి ఉన్నత వ్యక్తిత్వం గల పౌరులుగా తీర్చిదిద్దిన తల్లిదండ్రులను వివాహం కాగానే తమదారి తమదేనని ఇక వారి గురించి పట్టించుకున్న పాపన పోని వారికి ఇది చేదు వార్తే. అందులోనూ ప్రభుత్వ ఉద్యోగులుగా విధులు నిర్వహిస్తున్న వారికైతే మరింత చేదువార్త. తమ తల్లిదండ్రులను పట్టించుకోకుండా తమ సుఖాన్ని తాము చేసుకునూ వారికి ఇకపై జీతంలో కత్తెరింపులు తప్పవని స్పష్టం చేస్తుంది అస్పాం ప్రభుత్వం.

ఈ మేరకు కొత్త చట్టాన్ని రూపోందిస్తుంది ఆ రాష్ట్రంలోని బీజేపి సర్కార్. ఇలా ప్రభుత్వ ఉద్యోగుల తల్లిదండ్రులకు అస్సాం ప్రభుత్వం బాసటగా నిలిచింది. వయసు పైబడిన తల్లిదండ్రుల బాగోగులు చూడని ప్రభుత్వ ఉద్యోగులకు ఇకపై వేతనాల్లో కత్తెరింపులు వుంటాయని తేల్చిచెప్పింది. తల్లిదండ్రులను పట్టించుకొని ఉద్యోగుల వేతనాల నుంచి కొంత మొత్తాన్ని కట్ చేసి అందించనుంది. ఈ మేరకు అస్సాం ఆర్థిక శాఖ మంత్రి హిమంత బిశ్వా సర్మా బడ్జెట్ సమావేశాల్లో ప్రకటన చేశారు. 2017-18 ఆర్థిక సంవత్సరం నుంచి దీన్ని అమలు చేయనున్నట్లు చెప్పారు.