అన్ లైన్ లో సెక్స్ రాకెట్.. చాక్లెట్ గర్ల్స్ క్లబ్ సక్సెస్ సీక్రెట్..

Posted: 11/04/2016 03:40 PM IST

అందివచ్చిన సాంకేతిక విప్లవాన్ని సద్వినియోగం చసుకుంటున్న వారికంటే.. అక్రమ మార్గాలకు దానిని వినియోగించుకుంటున్న వారి సంఖ్య నానాటికీ పెరిగిపోతుంది. ఆన్ లైన్ అందుబాటులోకి రావడంతో ఇప్పటి వరకు ఫోన్లు, హైక్, వాట్సాప్ లలో జరిగిన దందాకు అనుమానమే రాని విధంగా వ్యవహారాన్ని నిర్వహిస్తూ పకడ్భంధీ స్కెచ్ వేశారు. డిజిటల్ మనీ పుణ్యమా అని అంతా చకచకా జరిగిపోతుంది. అంతా సవ్యంగా సాగింది అన్న ధృవీకరించిన తరువాత కానీ మిగత పనులు సాగవు.

ఇంతకీ ఈ ఉపోద్ఘాతమంతా దేని గురించి అనుకుంటున్నారు. అన్ లైన్ సెక్స్ రాకెట్ గురించి... చాక్లెట్ గర్ల్స్ క్లబ్ పేరుతో నిర్వాహకులు పైకి చేబుతున్న విషయమంతా తప్పుని, లోన జరుగుతున్న తంతు వేరేనని తేలిపోయింది. పైకి పటారంలా కనిపించేదంతా నిజం కాదని, లోన వున్న గుట్టును కూడా తెలుసుకోవాల్సిన పరిస్థితులు ఏర్పడుతున్నాయి. వీటి లోగుట్టు తెలియక అమాయకులు వెళ్తే వారిని కూడా ట్రాప్ చేసే అవకాశాలు లేకపోలేదు. అసలు విషయంలోకి ఎంటరైతే..

తాజాగా చాక్లెట్ గాల్స్‌ క్లబ్ పేరిట హైక్ మెసేంజర్ ద్వారా క్లయింట్లను మేనేజ్ చేస్తోంది ఓ ముఠా. నగరాల్లోని స్టార్ హోటల్స్‌తో ఈ ముఠా ముందుగానే లింకు ఏర్పాటు చేసుకుంటుంది. కస్టమర్లను రకరకాలుగా ఆకట్టుకోవడానికి ఈ ముఠా సరికొత్త పద్దతులను ఎంచుకుంది. ఇక ఈ క్లబ్‌లో ఐదువేలు పెట్టి మెంబర్‌షిప్ పొందితే.. విటులకు స్వర్గమేనన్నమాట. మినిమమ్ రెండువేల నుంచి 50 వేల వరకు అమ్మాయిల రేటు. పాపులర్ పేర్లతో అమ్మాయిల ఫోటోలను పంపి ఎంచుకోమంటారు. ఈ లిస్ట్ లో కాలేజీ అమ్మాయిల నుంచి హీరోయిన్లు వరకు చెంతాడంత లిస్టే ఉంది.

మెట్రో నగరాలైన ముంబై, ఢిల్లీ, కోల్‌కతా వంటి నగరాలతో పాటు అనేక ప్రముఖ నగరాల్లో ఈ దందా బ్రేకుల్లేని బండిలా రివ్వున సాగుతుంది. పిండి కోద్ది రోట్టే అన్నట్లుగా ఎంత డబ్బిచే వాడు వుంటే అంతటి కాస్ట్లీ అమ్మాయి, కాస్ట్లీ హోటల్ మారుతుంది. కస్టమర్లను మెంబర్ షిప్ తో విభజిస్తారు నిర్వాహకులు. ప్లాటినమ్, డైమండ్, సిల్వర్ అలా ఒక్కో మెంబర్ షిప్ కు ఒక్కో ధర. వాటిని బట్టే వారికి సేవలు, సపర్యలు తగ్గట్టుగా అమ్మాయిలు. అయితే ఈ ముఠా ఇచ్చిన ఆంధ్రాబ్యాంకు అకౌంట్ చాక్లెట్ ఇంటర్నేషనల్ పేరుతో లక్ష్మీ పేరున వుండటం కొసమెరుపు. ఇప్పటికైనా పోలీసులు ఈ సెక్స్ రాకెట్ గుట్టును రట్టు చేస్తారో లేదో వేచి చూడాల్సిందే