ITEMVIDEOS: ఢిల్లీలో ప్రేమోన్మాది దారుణం: ప్రేయసిపై 22 కత్తిపోట్లు..

Posted: 09/20/2016 01:34 PM IST

Delhi woman stabbed 22 times by stalker dies

దేశ రాజధాని ఢిల్లీలో దారుణం జరిగింది. పట్టపగలు నట్టనడివీధిలో రోడ్డుపై ప్రజలందరూ వెళ్తున్న క్రమంలో ఓ ప్రేమోన్మాది ఘాతుకానికి ఒడిగట్టాడు. తన ప్రేమను నిరాకరించిందని ఓ యువతి పట్ల కత్తితో దాడి చేశాడు. అంతటితో అగని దుండగుడు ఏకంగా మఅెపై 22 సార్లు పొట్టలో కత్తిపోట్లు పొడిచాడు. అయినా అమెపై పగ చల్లారని దుర్మార్గుడు అమె తలను కాలితో తన్నాడు. ఈ దారుణాన్ని అటుగా వెళ్తున్న వాళ్లను నిర్ఘంతపోయేలా చేసింది.

అయితే ఈ దారుణాన్ని ఎంతో మంది చూసినా బాధితురాలిని కాపాడే ప్రయత్నం మాత్రం ఎవరూ చేయలేకపోయారు. ఈ ఘటనపై పోలీసులకు కూడా సరైన సమయంలో సమాచారం అందించలేకపోయారు. కనీసం రక్తమోడుతున్న భాదితురాలని అస్పత్రికి తరలించేందుకు కూడా ఎవరూ సాహసం చేయలేకపోయారు. ఢిల్లీ ప్రజల కర్కషత్వానికి మళ్లీ ఓ అబల మృతి చెందింది. దేశరాజధానిలో అబలలపై జరుగుతున్న అకృత్యాలు యావత్ ప్రపంచంలోనే దేశం ప్రతిష్టను దిగజార్చేలా చేస్తున్నా.. పోలీసులు మాత్రం చేష్టలుడికి చూస్తున్నారన్న అరోపణలు వెల్లువెత్తుతున్నాయి.

దేశవ్యాప్తంగా సంచలనం రేపుతున్న ఈ ఘటన ఉత్తర ఢిల్లీలో చోటుచేసుకుంది. వివరాల్లోకి వెళ్తే.. ఉత్తర ఢిల్లీలోని బరోరీ ప్రాంతంలో నివసిస్తున్న కరుణ (21) అనే అమ్మాయిని పక్కింట్లో నివసిస్తున్న 34 ఏళ్ల సురేందర్ అనే వ్యక్తి ఆమెను నిత్యం ప్రేమ పేరుతో వేధించేవాడు. అయినా అమె అతని వేధింపులను లైట్ గా తీసుకుంది. స్థానికంగా గల నోవెల్ రిచస్ పాఠశాలలో ఉపాధ్యాయురాలిగా పనిచేస్తున్న కరుణను యధావిధిగా వెంబడించాడు సురేందర్. తనను పెళ్లి చేసుకుంటావా లేదా అని ప్రశ్నించాడు.

అమె అతడి మాటలను పెడచెవిన పెట్టి స్కూలుకు వెళ్తుండగా, అమెపై కత్తితో దాడి చేశాడు. 22 సార్లు అమె పొట్టలో కత్తితో పొడిచి చంపేశాడు. అతడు వేధిస్తున్న విషయమై కరుణ కుటుంబ సభ్యులు ఐదు నెలల క్రితమే పోలీసులకు ఫిర్యాదు చేశారు. అప్పట్లో పోలీసులు ఇద్దరి కుటుంబ సభ్యులను పిలిచి రాజీ చేయించారు తప్ప ఎలాంటి చర్య తీసుకోలేదు. సురేందర్‌కు ఇంతకుముందే పెళ్లయిందని, భార్య నుంచి విడాకుల కోసం కోర్టుకు వెళ్లగా.. అక్కడ కేసు ఇంకా కొనసాగుతోందని పోలీసులు తెలిపారు.