త్వరలో హైదరాబాద్ లోనూ నో హెల్మెట్, నో పెట్రోల్ నిబంధన..

Posted: 06/14/2016 02:05 PM IST

No helmet no fuel rule in cuttack from july 1

రోడ్డు రవాణ భద్రతా చర్యల్లో భాగంగా తెలంగాణ రాష్ట్రంలోని అదిలాబాద్ జిల్లాలో అములుపర్చిన నో హెల్మెట్, నో పెట్రోల్ విధానాన్ని ఒడిశాలోని కటక్ నగరంలో అమలు చేయనున్నారు అక్కడి పోలీసులు.ఇక హెల్మెట్ లేకుండా పెట్రోల్ పోయవద్దని పెట్రోల్ బంక్ యజమానులకు కఠిన ఆదేశాలు జారీ చేయనున్నారు. జూలై 1 నుంచి ఈ నిబంధన అమలుకానుంది. దీంతో ఇక హెల్మెట్ లేకుండా బైక్ నడపాలన్నా సాధ్యం కాదన్నమాట. అయితే, ఇందుకోసం ముందుగానే ఈ నెల 20 నుంచి ప్రజల్లో అవగాహన కార్యక్రమం కల్పించనున్నారు.

'అన్ని పెట్రోల్ బంక్లకు, విద్యాసంస్థలకు, ప్రభుత్వ కార్యాలయాలకు, పూజా కమిటీలకు వారి సహాయాన్ని అందించాలని లేఖలు రాస్తున్నాం. నో హెల్మెట్ నో పెట్రోల్ కార్యక్రమం విజయవంతం చేయాలని లేఖలో కోరుతున్నాం' అని కటక్ డీసీపీ సంజీవ్ అరోరా చెప్పారు. అయితే, పెట్రోల్ బంక్ యజమానులు ఇప్పటికే తమకు హామీ ఇచ్చినట్లు చెప్పారు. తమ ప్రత్యేక బృందాలు కూడా బంక్ ల పనితీరుపై ఓ కన్నేసి ఉంచుతాయని చెప్పారు. ప్రజల ప్రాణాల రక్షణే తమ ప్రథమ కర్తవ్యంగా తాము ఈ చర్యలు తీసుకుంటున్నట్లు తెలిపారు.

అయితే ఈ విధానాన్ని తెలంగాణ రాష్ట్రంలోని అదిలాబాద్ పోలీసులు తొలుతగా అమలుపరుస్తున్నారు. ఈ నెల 2 నుంచి అదిలాబాద్ జిల్లాలో ఈ నిబంధనను అమలుపరుస్తున్నారు. అయితే అక్కడి ప్రజలు, పెట్రోల్ బంకుల సిబ్బంది నుంచి వచ్చిన సూచనలు, పిర్యాదులను పరిగణలోకి తీసుకు్న తరువాత హైదరాబాద్ నగరంలోనూ ఈ నిబంధనను అమలు పర్చాలని హైదరాబాద్ ట్రాఫిక్ పోలీసులు యోచిస్తున్నారని సమాచారం. మోటార్ స్పిరిట్ అండ్ హై స్పీడ్ డీజిల్ అయిల్ చట్టంలో నిబంధలన కూడా చర్చబడివుందని, ఈ చట్టాన్ని పోలీసుల అనుమతి లేకుండా కూడా పెట్రోల్ బంకులు వర్తింపజేయవచ్చు.

మనోహర్